天然保濕護膚一定要貴? 其實唔一定架! 小編就係一個窮到死既大學生，所以成日都會搵啲慳錢既方法去天然保濕 以下就係小編用過又覺得work既平價天然保濕護膚方法~ 1. 麥皮+牛奶+蜜糖去角質 小編覺得呢個護膚同去角質方法超級work! 麥皮可以幫助我地吸走油脂，而你敷完後打圈按摩，仲係一個好溫和既去角質天然方法~ 牛奶同蜜糖可以保濕，而牛奶都可以幫助美白護膚! 小編試過加左少少蛋白 (朋友話蛋白可以幫助收毛孔同好多蛋白質)，都好work~ 不過小編自己覺得蛋白可能有細菌， 所以如非必要都唔會加黎護膚囉~ 2. 蜜糖 + 蛋白滋潤 呢個面膜就係小編好懶既時候會用既滋潤保濕方法~ 就咁敷蜜糖已經會feel到皮膚滋潤保濕左好多! 如果屋企無牛奶同麥皮既話就會敷呢個護膚 可以急救缺水既皮膚，滋潤保濕超有效!! 3. 洗米水敷面 美白去污垢 小編唔返宿舍既日子，都會敷洗米水美白去污垢~ 洗米水可以幫助美白同抗敏護膚~ 而且佢含有水溶性維他命同埋礦物質添架! sis們可以用第2轉既洗米水黎美白同去污垢，冇咁多雜質，乾淨d~ 希望以上既護膚分享對sis們有用啦~
