小編既頭髮超乾，所以髮尾油對小編黎講係不可缺少既 首先比大家睇下小編把超乾頭髮 [今日係乜都冇搽] sis們可以睇到，我把頭髮係超乾 一黎染完髮，二黎本身頭髮好幼，一乾就好亂，搞到好似雜草咁 所以髮尾油對小編黎講係超級重要 1. 彩豐行JimmBenny髮尾油 相信唔係好多sis接觸過泥支 呢支係小編第一次接觸既髮尾吸油，就係呢隻彩豐行既髮尾油 佢超級平，幾十蚊就買到 但係佢係咁多隻髮尾油之中，對小編黎講效果最好既 佢唔lup得黎，對小編既髮質係岩岩好，用完之後頭髮好有光澤感 而且我好鍾意佢既味道，唔算太濃，岩岩好 2. l’oreal elvive extraordinary oil 呢隻髮尾油係睇youtuber介紹既 所以小編果陣就買左黎試下 對小編黎講，呢隻髮尾油有點過lup~ 如果用彩豐行果隻既話，小編通常會擠兩下 但係l’oreal如果用相同份量既話，對小編黎講會好油 佢既效果方面，我覺得就不過不失吧 唔多唔小都滋潤到髮尾，但效果就冇彩豐行咁理想，而且貴好多 ~ 可能佢唔岩小編髮質吧! 3. pantene leave-on serum 最後就係呢支pantene leave-on serum 呢支野對小編黎講就真係冇乜用 佢同l’oreal果支岩岩相反，佢係偏水d，唔會好油 但係佢就唔足以滋潤到小編既髮尾… 而且小編個人唔鍾意佢隻味，覺得佢有啲難聞 佢既質感就唔係太適合小編既髮質喇~ 希望小編既review會對大家有用啦! Products list: 1. 彩豐行JimmBenny髮尾油 2. l’oreal elvive extraordinary oil 3. pantene leave-on serum 以上分享只屬個人感受，用後感及效果可因不同膚質或略有差異，而效果乃因人而異，如需協助或獲得更多產品資訊，請直接聯絡該品牌查詢或∕和尋求相關專業意見。
