小編以前好少會做磨砂 如果去死皮既話，不嬲都用開peeling既去角質產品就算 呢年試左兩款磨砂產品，同各位sis做個review啦! 1. Body Shop青檸薄荷身體磨砂膏 virgin mojito body scrub 呢款Body Shop青檸薄荷身體磨砂膏 小編買左大約兩個月 扭開佢就會聞到好大浸青檸味 同埋好多磨砂粒子 佢既磨砌粒子係白色同綠色既 粒子都比較大粒 圖中可以見到，磨砌膏裡面既粒子唔算好密集~ 小編覺得都可以接受 因為佢粒子偏大，如果磨砌膚既粒子仲要好密集，咁好容易會整傷皮膚 sis用既時候一定一定一定(x10000)要輕手! 同埋千萬唔好用係臉上，只可以用喺身! 小編用左兩個月~ 每用完一次，身體既皮膚明顯滑左，同埋亮白左，背部都比以前少左生暗粒 我通常係用黎搽背部、後頸、手腳，磨下啲死皮 小編第一次有用喺心口 唔知係咪我d心口皮膚薄，小編用佢已經算輕手，但用完之後心口紅紅地、慶慶地 所以小編建議，sis如果用呢隻磨砂膚，唔好將佢用喺較敏感既部位 但如果係敏感性皮膚既sis， 小編就唔建議試呢隻Body Shop青檸薄荷身體磨砂膏， 因為佢性質唔算好溫和~ body shop sales介紹，用呢隻磨砂膚時，沖完涼個身仲濕，又或者個身乾哂都用得 小編濕身同乾身都試過~ 個人認為乾身用時，個效果更好，用完更加滑 2. St.Ives杏子淨透磨砂膏 跟住就係又平又大支既St.Ives杏子淨透磨砂膏~ 小編喺watsons買既，好似買左$39 呢隻面部磨砌既質地比body shop既結身 佢既粒子幼細好多，而且密集度都高好多 (可能影得唔清楚)啡啡地色果啲就係佢既粒子，非常密集 (小編唔知點解諗起麥皮 囧) 小編個人對呢支磨砂膚幾滿意 我通常用喺鼻翼、嘴邊、緦位 用完之後完全唔乾，而且用完皮膚滑左，面色都明亮左~ 但都係果句，sis們用磨砂產品都係要好輕手，以免整傷皮膚 希望小編既review對大家有用啦~ Products list: 1.Body Shop青檸薄荷身體磨砂膏 virgin mojito body scrub $145 2.St.Ives杏子淨透磨砂膏 $39 以上分享只屬個人感受，用後感及效果可因不同膚質或略有差異，而效果乃因人而異，如需協助或獲得更多產品資訊，請直接聯絡該品牌查詢或∕和尋求相關專業意見。
