小編既朋友岩岩喺台灣返黎 送左支艾莎古薩ElsaGusa既「3效輕隔離粉霧」比我~ ElsaGusa呢個牌子，可能唔係好多香港sis聽過 佢係一個台灣品牌，喺台灣都幾受歡迎，佢既好多化妝品同護膚品好多都適合油性皮膚 但佢暫時就未進駐香港，所以香港既sis就要喺ig shop買或者上佢既官網訂~ 而根據官網，呢款「3效輕隔離粉霧」有以下既賣點︰ -物理性防曬+控油+潤色，三效合一 -純物理性、眼週也可以使用，長效免補擦 -吸脂微粒添加，好清爽，控油力強 所以今日返工前，小編就試左呢支「3效輕隔離粉霧」， 順便打個review比sis們聽 佢既質地係cream狀，偏水潤，搽上面都幾清爽 (回到公司再補拍近鏡↓) 推開就會更加見到佢偏水狀~ 小編今日就係平均地將佢點喺面上， 再用濕左水既beauty blender blend開 大家可以見到小編既皮膚較暗黃，滿臉油光 而且毛孔粗大，近排黎m仲要爆瘡 囧 不折不扣就係一個油性皮膚既人 呢個就係搽完之後既效果 (請忽略我未上碎粉前的滿臉油光~) blend開之後面色明顯提亮左，冇咁暗黃 但係佢既遮瑕度偏低，雖然我臉上既紅印同暗黃都遮得七七八八 但呢隻「3效輕隔離粉霧」係遮唔到暗瘡、較深色既暗瘡印等瑕疵既 其實小編一向都鍾意啲coverage較低同質地較薄既粉底 有瑕疵既位置先再上遮瑕膏，咁皮膚負擔就會輕啲 如果追求高遮瑕度既sis就唔太適合買呢支艾莎古薩既「3效輕隔離粉霧」啦~ 然後比sis們睇下搽左半日既效果 搽左半日(約5, 6小時)都未有變灰、變暗既情況發生~ (對不起，影完先發現頭髮很亂~) 小編對佢既持久度都幾滿意! 有興趣既sis可以喺instagram買 以我所知，有間ig shop 「lovekkks」係有代購艾莎古薩ElsaGusa既產品既~ (但小編唔知道佢係咪最抵) 呢支既價錢既代購價大約$140幾 ~ 希望小編既review對大家有幫助啦! 產品資料︰ 艾莎古薩ElsaGusa 3效輕隔離粉霧 NT$450, HKD約$140 http://www.elsagusa.com/20off/light-sunblock-page.html 以上分享只屬個人感受，用後感及效果可因不同膚質或略有差異，而效果乃因人而異，如需協助或獲得更多產品資訊，請直接聯絡該品牌查詢或∕和尋求相關專業意見。
