身邊有好多sis成日化完妝，睇落都好似好厚粉咁 其實好多時候佢地唔係厚粉，而係化妝品唔貼面，俗稱「浮粉」! 小編之前去旅行，因為當地氣候太乾，小編又帶唔夠化妝品 所以都搞到好浮粉…. 以下就係一啲防浮粉小貼士，sis們要注意喇~ 1. 妝前保濕! 妝前保濕係好重要架! 平時最basic既護膚步驟就係 洗面->爽膚水->lotion 但如果乾既話，建議sis們喺用lotion之前可以用保濕精華，效果係可以好顯著的 如果sis們去旅行搞到皮膚好乾既話， 可以喺妝前敷塊保濕mask，又或者用sleeping mask厚敷約5分鐘急救 咁妝容就可以更貼服，冇咁易浮粉 2. 化妝品要夠保濕 如果想唔浮粉既話，選擇化妝品都好重要! 皮膚太乾時，Sis們記住選擇較滋潤既化妝品 因為小編係油性皮膚既， 平時成日會用ettusias既零荳荳礦物BB粉底液 佢係水狀，推開會變粉狀既粉底液 呢隻粉底液好適合油性皮膚既sis喺夏天使用 如果已經有浮粉情況既話，選擇呢類粉底液就簡直係 地! 獄! 因為佢太唔滋潤，好易會令浮粉情況更嚴重 如果要滋潤既話， 小編推介RMK Creamy Foundation N，小編冬天時會用佢 非常滋潤，而且有光澤感! 但係就唔係太岩夏天使用喇~ 3. 上妝小技巧 sis們可以運用下一啲上妝小技巧，減輕浮粉問題 例如如果你既粉底液真係太乾， 但一時間又買唔到新既化妝品代替佢 咁就可以將較流質既粉底液，再溝埋你有既保濕精華用~ 雖然粉底既coverage會下降，但會更保濕，可以舒緩浮粉情況 另外，建議有浮粉問題既sis們唔好全面上碎粉 只須要喺易出油既地方 (如T字位)輕掃~ products list: 1. Ettusais BB Mineral Liquid $195 2. RMK Creamy Foundation N $480 希望以上既技巧可以幫到各位sis啦!
