好多人喺夏天會好著重「控油」， 但皮膚愈乾就愈易出油同爆瘡，都咪話唔驚 各位sis千萬唔好忽略保濕既重要性啊~ 今日就同大家分享下小編喺夏天係點保濕架啦! 1.洗面產品 其實，洗面產品都有佢既保濕效果架! 小編平時通常用啲比較溫和既產品，唔鍾意太乾 小編最近用緊喺日本買返黎既Suisai 酵素洗顏粉 (超好用!) 當時買左大約港紙$100一盒，唔算太貴 佢洗完之後好乾淨，但洗完面後皮膚唔會乾 而且小編發現用完之後皮膚冇咁暗黃，皮膚狀態都好左 香港莎莎依家都有得賣，不過係貴幾十蚊囉~ 2. 護膚步驟不可少! 好多sis覺得夏天潮濕，所以有時淨係拍爽膚水就算 其實咁樣有機會令皮膚出更多油架! Sis們可以用啲岩返自己膚質既護膚品 小編喺爽膚水方面，其實有好多選擇 ~ 一星期有兩至三日會用廣源良既菜瓜水+化妝綿濕膚10分鐘 因為佢係天然產品，而且係水狀，唔會太油 但對小編黎講，保濕效果都幾顯著! 除左菜瓜水，小編有時都會用日本薏仁化妝水濕膚 佢同菜瓜水既濕膚效果係差唔多既~ 但成分就冇菜瓜水咁天然~ 勝在大大支，又平，有排都用唔哂 呢支野都長期係小編既保濕好幫手! 3. 精華素 好多sis都可能冇用精華素既習慣 其實精華素係可以根據佢地既效用，補充返皮膚所須既營養 同埋精華素都有啲保濕既效果! 小編就用開又平又好用既it’s skin Power 10精華原液~ 我就用開佢既「高效保濕精華原液」同埋「水油平衡精華原液」既 4. lotion不可少! 講到保濕，lotion當然係必不可少 如果係臨訓既話，小編會喺面上搽一層蘆薈 (冬天就會搽厚少少) 咁第二日，皮膚就唔會喺冷氣下乾到甩皮喇! 而喺日頭，小編近來轉左搽日本肌研既極潤保濕水凝霜 Super Hyaluronic Light Cream 佢對小編呢個油性皮膚既人黎講，質地算清爽 而且保濕效果好，搽完佢上妝都唔會起擦膠碎 除左呢啲日常步驟，小編平時都會敷下mask 等皮膚飲飽水，咁就冇咁易出油 而且妝容都會睇落貼薄d架~ 各位sis記住喇! Products list 1.日本Suisai 酵素洗顏粉 2. 廣源良菜瓜水 3. 日本lmju 薏仁化妝水 4. it’s skin Power 10精華原液 5. 日本肌研極潤保濕水凝霜 以上分享只屬個人感受，用後感及效果可因不同膚質或略有差異，而效果乃因人而異，如需協助或獲得更多產品資訊，請直接聯絡該品牌查詢或∕和尋求相關專業意見。
