遮瑕對小編黎講真係超級重要，因為我有個萬年黑眼圈， 如果唔遮左佢就會成個人好冇精神同埋老左十年咁~ 今日就同大家分享下我用過既遮瑕膏啦~ 1. tonymony Timeless Carat Dual Concealer 呢支野係小編人生第一支遮瑕膏(唔知依家仲有冇得賣了) 佢亦都係我人生裡第一件雷品 一開始小編係比佢既包裝吸引住既~ 佢有兩邊頭，一邊係濕用既遮瑕，一邊就係筆狀較乾身既遮瑕 首先，筆狀果邊既遮瑕極乾 基本上小編發現佢無論用喺邊個部位都係唔適合既 如果用喺眼底就會好顯眼紋，但用喺臉上都太乾，用完好似達左d粉喺塊面度咁…. 即使係濕用果邊，都偏乾，遮暗瘡印係勉強可以遮到 但佢好厚，用完好似多左一層野喺塊面度，而且遮瑕力又唔算好高 (囧) 當時仲係學生既我買完之後真係欲哭無淚~ 2. etude house surprise concealer kit 第二款遮瑕產品就係etude house既concealer kit喇 小編覺得呢款遮瑕產品係不過不失， 佢乾又唔算乾，放喺眼袋都可以，遮瑕力都可以接受 以佢既價錢黎講，都算係性價比較高既產品 不過，唔好既係，佢既顏色都比較淺 所以小編呢啲皮膚偏黃偏暗既女仔就唔太岩用喇~ 3. Nars radiant creamy concealer 第三款就係小編回購過好多支既nars radiant creamy concealer喇! 小編覺得呢款concealer好多野都恰到好處~ 佢係好creamy既，而且遮瑕度同持久力都好高 但上面效果都幾靚，唔會似有層粉喺塊面度 但小編一般就唔會用佢黎遮暗瘡，因為佢比較厚 我覺得咁會焗住粒暗瘡，搞到爆瘡問題更嚴重… 4. Maybelline Instant Age Rewind Eraser Eye Concealer 呢款亦都係小編既大愛! 呢隻concealer係超水潤既，而且coverage高 小編買左比膚色淺一度既色，同埋岩返自己色tone既色 淺色果支就用黎做highlight，深色啲果支就用黎遮瑕~ 跟住再set返個碎粉 咁個妝就會好無瑕但係唔會有厚重既感覺! 希望小編既review對你地有用啦~ 各位sis有其他岩心水既concealer記住留comment話比小編知! Products list: 1. tonymony Timeless Carat Dual Concealer 2. etude house surprise concealer kit 3. Nars radiant creamy concealer 4. Maybelline Instant Age Rewind Eraser Eye Concealer 以上分享只屬個人感受，用後感及效果可因不同膚質或略有差異，而效果乃因人而異, 如需協助或獲得更多產品資訊, 請直接聯絡該品牌查詢或∕和尋求相關專業意見。
