有冇試過捱左成晚夜，第二日仲要返早 皮膚睇落好暗沉，仲要塊面水腫… 今日就同大家分享下，小編平時捱完夜點樣「急救」皮膚，同埋化妝有咩要注意啦! 1. 面部磨沙 捱完夜後膚色暗沉係因為皮膚冇喺夜晚足夠休息， 冇及時清理在新陳代謝中死亡的細胞 sis們朝早可以做一次輕輕的臉部磨砂去死皮 幫助皮膚進行修復~ 但注意，唔好用含乳酸或果酸類化學性成分既產品， 因為酸性成分會增加肌膚對陽光的敏感度， 容易導致色斑問題 2. 做好保濕 捱完夜通常皮膚都會超乾 sis們一定要做好保濕呢個步驟，咁就唔會乾到上唔到妝~ 捱完夜後既小編慣左用菜瓜水濕膚 小編通常會倒菜瓜落化妝棉濕膚十分鐘~ 跟住再搽保濕既日霜， 咁皮膚就好似飲飽水咁，上妝都易啲 3.化妝要做好highlight 捱完夜，成塊面通常都較暗沉，冇乜血色 呢個時候，highlight同blush就幫到我地啦! Sis們可以揀一啲有珠光效果既胭脂 小編呢排就用開dior rosy glow blush 另外，可以用highlighter令捱夜後既皮膚有返d光澤感~ 小編平時會用too cool for school既highlighter (小編係韓國買既) 將highlighter點喺眉骨、下巴、眼下等位置 咁臉色就冇咁死氣沉沉啦! 捱夜好辛苦，我係明架 為左自己皮膚好啲，最好都唔好捱夜啦 但如果不幸地要捱夜， sis們都可以參考下我呢個方法! 希望呢個分享幫到你地啦~ products list: 1. 廣源良- 菜瓜水 $28 2. Dior Healthy Glow Awakening Blush玫瑰香胭脂 $390 3. Too Cool For School Cluber Highlight $102 以上分享只屬個人感受，用後感及效果可因不同膚質或略有差異，而效果乃因人而異, 如需協助或獲得更多產品資訊, 請直接聯絡該品牌查詢或∕和尋求相關專業意見。
