今日就同大家分享下小編最愛既胭脂啦~ 有睇過我既碎粉review既sis們， 都知道小編簡粉狀products時最重視既係咩 就係︰粉粒要極! 幼! 細! 一定唔可以變粉樣，重妝感 其次就係持久度同埋顏色呢啲factors啦 今日分享既幾款就係小編用過，又覺得幾好用既blush，我地開始啦~ 1.benetint 自從發現左benetint之後 小編就冇停過買，依家已經用緊第三支 佢可以營造到裡面透紅潤出黎既效果，超自然，持久度高 但有啲sis買blush時可能會鍾意一啲有珠光效果既blush，令蘋果肌飽滿啲 如果想要珠光效果，咁benetint就唔岩你喇，佢係完全無閃粉既 2. 3CE lip and cheek 第二就係3ce既lip and cheek系列啦! 佢係可以用黎做唇膏同埋胭脂既 呢隻product可以營造到「霧面」既效果，推開會變粉狀，好上色，所以用少少就夠 自然，色靚，但用上嘴就較乾，要打底 3.dior rosy glow 第三個就係我近期既大愛︰dior rosy glow胭脂 佢同前面果啲唔同，呢隻blush係有珠光效果既 但佢果隻閃係微微透出黎既感覺，超自然，令你既蘋果肌更飽滿，同埋成塊面既光澤感提升! 而且粉粒幼細，唔會搽上面變粉樣 唔好睇佢紫紫地色，佢搽上面係超粉嫩既，令小編有回到少女時期既感覺~ 4. Mac Formal 第四隻就係mac既formal系列啦! 小編覺得mac既formal係一隻必備既「看門口」blush 粉粒幼細，而且包裝細細粒，帶出街超方便 上面效果自然，而且色都非常易襯，小編回購左好多次~ 希望小編既review對你地有用啦! 各位sis有好用既blush記住留comment話比我知，等我去試下 products list: 1.benefit,benetintrose-tinted唇頰胭脂水 2.3CE Powdery Lip & Cheek唇頰兩用霜 3.Dior Healthy Glow Awakening Blush玫瑰香胭脂 4.Mac Formal Powder Blush 以上分享只屬個人感受，用後感及效果可因不同膚質或略有差異， 而效果乃因人而異, 如需協助或獲得更多產品資訊, 請直接聯絡該品牌查詢或∕和尋求相關專業意見。
