之前小編都同各位sis介紹過自己用過既平價好物，今次就黎到下集~ 有啲products 小編以前都講過下，不過今次係「平價series」，就集埋佢一次過講多次啦~ 1. Maybelline Baby Skin Pore Eraser 第一樣相信各位sis都唔陌生架啦~ 呢支maybelline 既pore eraser超好用 小編benefit既porefessional同埋maybelline呢隻都用過 小編覺得benefit果支係好用啲，因為有遮瑕度，而且推完之後變粉狀極清爽，但貴好多~ 呢支pore eraser係透明既，冇遮瑕度~ 但佢質地其實都好清爽，唔lup，但平兩倍，性價比極高! 2. DHC Lip Cream 呢支lip cream小編喺「潤唇膏review」果篇blog都有提過架喇 小編喺日本買呢支既，大約廿幾蚊港紙 香港既萬寧同watsons好似都有得賣，但價錢就貴啲 超超超好用，極潤，搽完之後唇紋冇哂而且long lasting，不過隻味就唔係太香，有啲似「膠」味 (小編接受到，哈哈) 3. Mac Prep and PrimeTransparent Finishing Pressed Powder 呢款mac既prep and prime finishing powder小編之前有提過下~ 不過果陣係講碎粉，今次就講埋佢既同系列pressed powder~ sis可能會問，「點解專櫃品牌既產品都放喺平價好物度講既」 佢既粉質超級幼細，而且性價比高，以佢既價錢黎講其實一啲都唔貴-v- 平時質素較好既碎粉通常300幾 (小編簡碎粉既重點︰一定要幼細! 同埋控油!) 呢款powder只係$220 ….. 同埋超幼細，控油效果佳 (小編買左之後就一直用) 用手指掂落呢款pressed powder度， 唔會好厚咁有一達白色，而係好薄既一層透明碎粉 應該有排先用得哂 (笑) 4. 日本薏仁化妝水 呢款化妝水小編係喺日本買既 大約30幾蚊港紙 (香港萬寧watsons果啲都有，都係貴少少) 佢係水狀，白色既，用極都用唔哂 小編平時係用呢隻倒落化妝綿當mask咁濕膚十分鐘 佢既保濕效果超明顯，小編嘴角成日甩皮超乾 用完佢濕膚之後保濕好多﹗同埋佢大大支又平，性價比極高~ 5. 恆芳有色潤唇膏 呢隻「有色潤唇膏」小編喺instagram shop買既， 大約$10-$15，超平 佢極度上色，搽完會自己變色! 而且極度long lasting 係instagram打hashtag 「#有色潤唇膏」就會搵到架啦! 希望小編既分享對大家有用啦~ sis們有咩平價好物都可以係度分享下架! Products list: 1. Maybelline Baby Skin Pore Eraser 2. DHC Lip Cream 3. Mac Prep and PrimeTransparent Finishing Pressed Powder 4. 日本薏仁化妝水 5. 恆芳有色潤唇膏 以上分享只屬個人感受，用後感及效果可因不同膚質或略有差異，而效果乃因人而異，如需協助或獲得更多產品資訊，請直接聯絡該品牌查詢或尋求相關專業意見。
