小編平時成日都買野，今個月又買左好多野。 不過因為小編非常之窮，唔捨得花錢買啲貴野~ 今次就同大家分享下買過既「又平又抵」既產品啦。開始~ 1. Revlon Colorstay Moisture Stain (040色) 小編非常鍾意呢支Lip Stain 佢隻色好靚，而且好上色， 上嘴後有一種啞身、霧面既效果 小編覺得佢既性價比非常高，周專櫃品牌既產品比絕對唔輸蝕~ 不過佢既持久力唔算好高，食完野就要補唇膏 (小編就唔太介意得閒補唇膏既，嘻嘻) 2. Peri Peri Lip Tint 呢支野小編已經用左超級耐…… (用極都用唔哂) 佢係一支Lip Tint，水狀，小編買左最紅果隻 呢支野做咬唇妝一流~ 而且持久度好好，可以Keep到成日 不過食完野D色會淡左，貪靚既小編就會去補下 因為佢係水狀，所以佢係完全唔保濕既， 唇乾既SIS可以搽完之後加潤唇膏滋潤返條唇~ 3. Acnes UV Tinted milk (SPF 50 PA++) 呢支野冇乜聽人介紹過 小編由學生時代一直用佢，已經用左超級耐，回購左好多支 佢係Acnes既UV Tinted milk，小編當佢係有色既防曬用 佢超平，但做到修飾膚色既作用，而且一啲都唔Lup 小編日常返學返工就係薄薄搽一層，再上碎粉 咁底妝就會好薄好薄，完全「零負擔」既感覺 當然啦，SIS唔好expect佢會有咩遮瑕力，佢只會令你睇落氣色好啲 不過呢支野真係岩哂我呢啲懶人…… 4. Maybelline Pure BB watergel 小編Grad Din既時候第一次接觸呢支BB CREAM 佢好水潤，但神奇係佢Coverage高 而且即使搽左上塊面，都唔會有厚重既感覺~ 性價比高 不過唔好既係，佢得一隻色，而且Maybelline既BB CREAM一般都偏黃 所以未必個個SIS都會岩用喇~ 5. Kate Designing Eyebrows N Kate既眉粉又係我大愛 平價得黎，色又岩小編，而且持久力高 小編有用過Shiseido眉粉，我覺得Kate呢隻眉粉一啲都唔輸蝕 直到依家，呢盒眉粉都係小編化妝袋必備既Products之一~ 今日就同大家分享到呢度啦﹗希望小編既Review幫到大家 各位SIS有咩好用既products都可以留Comment話比小編知架~ 提及產品︰ 1.Revlon Colorstay Moisture Stain (040色) 2.Peri Peri Lip Tint (red) 3. Acnes UV Tinted milk (SPF 50 PA++) 4. Maybelline Pure BB watergel 5. Kate Designing Eyebrows N 以上分享只屬個人感受，用後感及效果可因不同膚質或略有差異，而效果乃因人而異，如需協助或獲得更多產品資訊，請直接聯絡該品牌查詢或尋求相關專業意見。
