有睇開小篇既文都知，小編係一個不折不扣既唇膏控， 一日到黑都最鍾意儲唇膏 (所以之前就出左篇「專櫃品牌唇膏分享」，未睇既sis可以click返去之前啲blog睇返~)。 今次就唔係講有色既唇膏，而係潤唇膏﹗ 潤唇膏對小編黎講真係好重要架。 你諗下，如果你既嘴唇又乾又甩皮，男朋友都唔想錫落黎啦﹗ 今日就同大家分享下小編用過既潤唇膏，做個小Review! Ettusias潤唇膏 小編勁耐之前用過呢支，唔知依家個包裝係咪咁~ 當年係日本買既Ettusais潤唇膏 超超超好用，夠潤，而且唔會係果種好痴頭髮既潤唇膏 不過果陣喺日本買平好多 返到香港就覺得貴，冇回購到… (香港好似賣$160幾) 小編都幾推介呢支~ DHC Lip Cream 取代左ettusais既就係呢支DHC Lip cream啦 佢搽左上嘴之後，唇紋即刻無哂，厚厚一層，好滑，小編成日不自覺搽好多 而且持久力非常唔錯，搽完之後如果唔食野可以keep到好耐 不過小編有朋友唔鍾意呢支野，因為佢隻味唔太討好 呢支lip cream既味好少少似「膠」味 (但小編接受到) 唔會好似其他牌子潤唇膏咁，通常有啲花香味 買唔買就等sis自己衡量喇~ Maybelline babylips 呢支係當年聽youtuber介紹，所以買左黎試下 但小編個人真係超級唔鍾意呢支「有色潤唇膏」 唔知係咪我問題啦，搽左呢支野落個嘴之後，小編個嘴唇就會不停生啲「死皮」出黎… 而且小編覺得佢唔係好夠潤，好快就會乾返 聽過我個friend講，外國版係好用啲，小編就未試過喇~ Vaseline queen bee lip therapy 最後就係呢個Vasaline既Queen bee潤唇膏啦﹗ 小編上年冬天個嘴甩皮甩得好嚴重 訓覺果陣想搵啲野厚敷嘴唇~ 所以就買左佢 Vaseline 呢隻潤唇膏整體黎講小編都幾滿意 佢唔似DHC同Ettusais咁成個質地都係厚身 Vaseline呢支係你要搽多幾層先較厚~ 佢既質地唔係creamy既，而係有啲油狀既感覺，整體黎講好夠潤 不過佢有個唔好處，就係會「溶」! 試過有次帶左佢出街擺係袋度，佢本身係硬硬地既， 帶出街太熱，佢變軟左，有部分變左似水狀 不過小編通常擺屋企臨訓先用，所以唔係好影響到我 ~ 希望小編既Review幫到你地啦﹗ 以上分享只屬個人感受，用後感及效果可因不同膚質或略有差異，而效果乃因人而異，如需協助或獲得更多產品資訊，請直接聯絡該品牌查詢或尋求相關專業意見。
