眼袋呀眼袋﹗ 隨住OT時間既增加，我地個千年眼袋既size都愈來愈大。 之前都有blog介紹過減輕眼袋方法， 各位sis有興趣既話可以click返去前面睇返~ 以下係一個改善眼袋既食療，希望可以幫到各位sis啦﹗ 椰菜牛肉湯 - 將60克牛肉洗亁淨，切薄片 - 牛肉同乾薑一齊放入煲，加適量水煮滾 - 椰菜洗亁淨，切好，放進煲內。煮到菜熟肉爛就完成 原理︰牛肉其實含有豐富既蛋白質， 呢個食療可以幫助將身體多餘既水氣去除，改善眼袋問題。 另外，椰菜有疏通經絡既作用， 食療可以阻止氣血積滯喺局部，幫助減輕可惡既大眼袋~ 2. 蘋果燉魚去眼袋黑眼圈食療 - 蘋果去核、去皮、切瓣，用清水浸，草魚洗完之後切塊，瘦肉切成大片，紅棗洗乾淨，生薑去皮切片 - 燒油落鑊，放入薑片、魚，用細火煎到兩面稍黃，倒入紹酒，加入瘦肉片、紅棗，注入清湯，用中火燉 - 等燉湯稍白，加入蘋果瓣，調入鹽、味精、胡椒粉，再燉20分鐘 燉時調味料不能下得過早、以免湯汁不白 原理：補心養氣、補腎益肝， 食療對因腎虧體虛或睡眠不足等引起的黑眼圈同眼袋有改善作用 各位飽受眼袋折磨既sis不妨可以試下呢兩個食療。 不過，如果仍然keep住夜訓捱夜， 試幾多食療都好難減輕我地個千年大眼袋架~ 如果眼袋太嚴重既sis，不妨去試下去眼袋既美容療程， 相信咁係最快捷既方法解決眼袋問題。 各位sis快啲同小編一齊努力，(儘量)早啲訓，踢走大眼袋﹗
