又黎眼袋特輯啦﹗相信sis們睇完上篇既眼袋tips之後， 都對減輕眼袋既方法有初步認識架啦。(未睇既sis可以返去睇返架，哈哈)。 聽完歐亞美創眼部護理專家既意見，小編就同大家分享埋減輕眼袋既其他技巧啦﹗ 1.多飲水 小編以前淨係知多飲水對皮膚好，同埋可以幫手減肥， 但原來多飲水都可以減輕眼袋架﹗ 歐亞美創專家指，一日至少飲八杯水，因為咁可以幫助肌膚補濕， 亦都可以加快眼部循環。 不過記住記住臨訓半個鐘唔好飲水呀﹗ 因為夜晚我地身體較少排出水分，臨訓飲水有機會令水分積聚係眼部，加快眼袋形成。 2.太曬要戴太陽眼鏡 歐亞美創專家指，因為眼部肌膚好脆弱， 長期被陽光曬住有機會會令眼部肌膚老化、鬆弛，更易形成眼袋。 3.化妝唔好拉扯眼皮 其實小編化妝時，畫內眼線同下內眼線果陣都習慣用手拉起眼皮黎畫。 原來咁樣久而久之會令眼部肌膚鬆弛，容易形成眼袋架。 歐亞美創專家指，各位sis可以用啲小工具輔助， 例如用乾粉撲輕按面上，避免直接拉扯眼皮，咁就冇咁易有眼袋啦。 4.唔好捽眼、瞇眼 呢個相信各位sis都知架啦，亦都係最老生常談~ 因為眼部肌膚好薄，成日捽眼、瞇眼都會拉扯到眼部肌膚，容易形成眼袋。 另外，歐亞美創專家亦指，大家唔好養成經常刻意眨眼既壞習慣，因為咁都係對眼部肌膚唔好架~ 聽完歐亞美創專家既意見，大家要記住呢啲日常小tips， 減輕眼袋既形成呀﹗ 不過都係嗰句啦，如果大家既眼袋已經太嚴重，可以選擇試下去眼袋既treatment。祝各位sis都可以戰勝你既眼袋~ 資訊由歐亞美創國際容貌創造協會提供。
