有睇開既sis都知，小編有個萬年黑眼圈同眼袋，所以平時出街一定一定要遮瑕，如果唔遮既話，小編個樣就會變到好憔悴同好老~ 今日就同各位sis分享下我遮黑眼圈既方法，同埋用咩products啦﹗ 用偏橙既遮瑕膚調色 小編主要係用呢支benefit fake up concealer 因為呢支concealer唔乾，小編覺得佢既質地擺喺眼底岩岩好 佢既medium色係橙橙地色既 呢隻色岩岩好可以幫我個灰灰紫紫既黑眼圈調一調色先~ 因為燈色岩岩好係黑眼圈既對比色，所以可以遮得最好架 小編會將遮瑕膏放喺黑眼圈最深色既部分 跟住個step就係「打亮」喇 因為岩岩調左色，咁灰灰黑黑既黑眼圈應該會變左橙橙地色 小編會用IPSA creative concealer既最底果隻色， 畫個「V」字喺橙色既遮瑕膚上面，再blend開﹗ Blend完個黑眼圈就會唔見左~ 呢個step係optional既~ 因為小編黑眼圈係有個「淚溝」位喺度 小編會用IPSA遮瑕膏中間最淺果隻色劃條線喺淚溝位，再blend開~ 因為個淚溝位睇落好似凹入去咁 要用一隻淺地色既concealer打亮，睇落就冇深色左既凹入去既感覺喇~ 小編既膚色同埋黑眼圈程度都可能同各位sis唔同~ Sis們可以參考小編既方法， 再用返適合你地既產品架﹗ 以上分享只屬個人感受，用後感及效果可因不同膚質或略有差異， 而效果乃因人而異，如需協助或獲得更多產品資訊， 請直接聯絡該品牌查詢或尋求相關專業意見。
