有次行街時，有個朋友問小編有咩去斑產品推介。 小編就奇怪喇，我個朋友塊面明明一粒斑都無，點解要搵去斑產品呢？ 一問左佢，佢就答，「冇呀，我想美白，聽講去斑產品既美白效果勁啲嘛.」。 其實，如果無色斑問題而經常使用去斑產品，對皮膚並唔係一件好事黎架。 重點去斑產品既美白成分通常係更高濃度， 例如果酸、維他命C等成分。相反，一般美白產品既美白成分濃度相對更低，當然都對皮膚更溫和啦~ 如果你選擇既去斑產品係有高濃度既強力果酸成分，咁就要留意喇。 因為當我地成日用呢啲去斑產品，有可能會刺激到皮膚， 同埋好易令皮膚變薄，微血管都會增生，咁面部皮膚既紅筋都會更眀顯架。 另外，如果sis們既皮膚係屬於敏感型，又或者有暗瘡問題，咁都唔適合用重點去斑產品架﹗ 各位sis記住唔好為左令皮膚美白， 而用重點去斑產品代替一般美白產品啊﹗
