今日要講既就係老闆比打工仔既禮物——眼袋(你懂的﹗)。 香港人工時長，成日都要捱夜，唔夠訓自然就好易會有眼袋問題。 歐亞美創專家指，其實只要我地改變一啲唔好既生活習慣，減輕眼袋就話咁易架啦﹗ 卸妝化妝時 因為我地眼睛周圍既皮膚非常薄弱，當我地拉扯到佢既時候， 皮膚就好易會鬆弛、老化，咁就好易會形成眼袋。 歐亞美創專家指，我地喺化妝同卸妝時，唔好過分大力， 例如用化妝綿大力落妝、用beauty blender大力上粉底等， 呢啲動作都會用力拉扯到皮膚，加速眼袋形成架。 洗面時 唔知各位sis洗面果陣係咪習慣淨係用一條毛巾走天涯呢？ 歐亞美創專家指，原來用毛巾去清潔眼部肌膚， 係有機會拉扯到眼皮，造成眼袋架。 洗面時，我地可以用棉花抹洗眼睛周圍的皮膚， 咁係比用粗糙既毛巾更好，減少眼袋形成。 戴隱形眼鏡時 如果有戴隱形眼鏡既sis，記住戴果陣唔可以拉扯下眼皮， 因為下眼皮鬆弛係引致眼袋既主因黎架。 歐亞美創專家指，戴隱形眼鏡時可以輕輕拉高上眼皮， 盡量唔可對下眼皮有太多拉扯，避免眼袋形成。 唔好減肥、節食 成日見到啲外國過度節食減肥既例子， 個女仔減完肥之後眼袋出哂黎，個樣好似老左好多咁。 歐亞美創專家指，有好多時候，當我地過度節食減肥時， 會令身體營養不良，搞到身體脂肪量大幅度下降， 咁好易會影響皮膚彈性，有機會令眼部皮膚彈性下降，形成眼袋既問題。 各位sis記住歐亞美創專家既tips，從日常生活減輕眼袋既形成。 不過如果眼袋問題太嚴重，sis們都可以考慮做啲treatment，徹底同眼袋講bye bye! 資訊由歐亞美創國際容貌創造協會提供。
