唔知各位sis有冇眼紋問題呢? 小編成日都捱夜,以前又成日通宵唱K呀,同朋友傾電話….. 當時既小編因年輕而犯下呢啲錯誤,而報應就係, 小編眼部肌膚已經隱隱約約有啲眼紋響度… (欲哭無淚)。 歐亞美創專家指,以下方法可以推遲眼紋出現。 同小編一樣有眼紋煩惱既sis,快啲睇下啦。 1補充眼部肌膚水分 呢個都係最老生常談既方法,就係幫眼部肌膚補水啦﹗ 歐亞美創專家指,各位Sis可以選擇適合自己膚質既眼霜, 用無名指點少少眼霜,輕按眼皮,以打圈按摩5至6次, 咁可以幫眼部肌膚補充水分,推遲眼紋出現 2做眼部運動 有眼紋係因為眼部周圍既肌膚開始老化~ 歐亞美創專家指,各位sis可以得閒做啲眼部運動, 例如可以掙大自己隻眼幾秒,跟住慢慢閉上眼, 差唔多合埋隻眼既時候再掙到最大,重複做四至五次, 訓練眼部肌膚,自然眼紋都出少啲啦。 3減少拉扯皮膚 小編見過有啲朋友,佢地落妝時會好大力咁用化妝棉捽塊面。 歐亞美創專家指,其實咁樣係會拉扯到眼部肌膚,加速眼紋出現架。 其他行為仲例如有瞇起眼睇野、捽眼等, 呢啲都對眼部肌膚非常不利,亦都容易令眼紋出現。 資訊由歐亞美創國際容貌創造協會提供。