小編完全係一個「唇膏控」，最鍾意就係儲唇膏﹗ 男朋友成日都話，「買咁多做乜，根本隻隻色一樣樣」， 小編就唔同意喇。我覺得每支唇膏無論係質感、顏色、滋潤度都唔同既 (所以成日比人話敗家…) 今日就同大家分享下小編用過既專櫃品牌唇膏啦﹗ Chanel rough coco lipstick 小編上個月入手既chanel rough coco唇膏 因為之前聽好多sis講coco shine系列好好用，所以就買左支黎試下 呢支唇膏既滋潤度好夠，隻色唔算太實色，搽左出黎比較透薄自然，適合新手 但係佢既持久力真係一般… 小編搽完之後，隔一陣就要補唇膏，而且食完飯之後啲唇膏係冇哂色，一定要補 所以小編覺得以呢個價錢黎講，呢支唇膏就唔算好抵買~ YSL tint in oil 呢支係聽小編既好姊妹燒左去買既~ 小編個人非常鍾意呢支tint in oil 佢搽左出黎好令身，好潤，完全唔需要用潤唇膏打底 而且佢雖然好潤，但佢有lip tint成分，所以即使食完野佢層油冇左，個嘴都會keep住有d顏色留係度~ 不過如果sis係鍾意比較啞身既唇膏既話，呢支「立立令」既tint in oil就唔岩你喇﹗ Cle de Peau Beaute La Boheme lipstick 小編其實係一直都唔捨得買呢支CDP lipstick 因為如果買呢支唇膏，又要買芯又要買外殼，都真係幾貴 於是小編上個月去日本旅行，就用300幾蚊港紙買左呢隻CDP唇膏喇~ 小編個人幾鍾意呢隻唇膏，因為佢真係好潤，大部分色小編都好鍾意，搽左出黎都幾令身，但唔係「痴立立」果種，而係偏向水潤既。 佢既持久度可以接受，唔洗好快就補唇膏，不過食完飯都會冇得七七八八~ 各位sis可以衡量下買唔買﹗ 以上分享只屬個人感受，用後感及效果可因不同膚質或略有差異，而效果乃因人而異，如需協助或獲得更多產品資訊，請直接聯絡該品牌查詢或尋求相關專業意見。
