有人話,眼晴係女人既靈魂之窗,計我話,眼線絕對係成個妝既靈魂。 小編隻眼好無神,如果無畫眼線,小編係完全接受唔到自己個樣。 今日就同大家分享下小編用過既眼線筆,做個小review啦﹗ 1. miss hana 眼線膠筆 小編好耐之前係台灣買左呢支miss hana眼線膠筆 當年既小編完全唔識化妝,買呢支係因為grad din要化妝 點知就出事啦,溶到阿媽都唔認得 (哭) 喺一生人一次既grad din,小編就變左熊貓眼 小編都知道有啲sis係好鍾意呢支既,因為佢都幾易畫同易blend。但如果係好似小編咁超級油眼既sis就千萬唔好買呢支膠筆 2. dolly wink 眼線筆 第二支都係小編好耐之前試既眼線筆 dolly wink既眼線筆,小編個人不太喜歡 因為對小編呢個超級油眼既人黎講,都係略嫌佢持久力一般,易溶~ 不過小編聽講dolly wink既liquid eyeliner好用啲,冇咁易溶,小編就未試過喇 3. maybelline hyper sharp liner 呢支小編都幾滿意﹗ 對於小編黎講,佢唔易甩,而且幾持久 而且超級好畫,因為筆頭好尖,畫內眼線超級易,讚~ 4. mac liquidlast eyeliner mac既liquidlast eyeliner小編由上年一直用到依家 終於搵到一隻眼線液係唔易溶~ 呢隻眼線液既唔好處係個頭好難上,好易畫出界,一定要用細掃上 但佢對小編呢個超級油眼既人黎講,佢真係唔會溶到變熊貓眼,游水都用得~ 各位sis可以因應自己既需要去購買適合自己既眼線筆。 希望小編既review對你地有幫助啦﹗ 以上分享只屬個人感受,用後感及效果可因不同膚質或略有差異,而效果乃因人而異,如需協助或獲得更多產品資訊,請直接聯絡該品牌查詢或尋求相關專業意見。