今日就同大家做個小編用過既powder review啦。 小編試過幾隻碎粉,我既要求好簡單——控油力好、定到妝呢啲對小編黎講係基本, 最最最重要係粉粒要夠幼細,唔會變左個「粉樣」 (因為小編既男友最憎人化妝,小編目標係要化個佢睇唔出既淡妝,哈哈)。 今日就做個powder review,介紹我買過既定妝產品啦﹗ Clear Last pore cover face powder (4in1) 呢隻碎粉係小編之前喺日本既藥妝店買既, 買左大約3000幾yen,唔算好貴 買完之後好後悔,因為當時係冇得試上手既, 小編個朋友又用緊,所以小編就買左黎試下 小編覺得佢既遮瑕力ok,控油一般(小編係超級油性皮膚,各位sis可以做個參考),但粉粒對小編黎講真係太大粒了 小編只係掃一層,妝感已經頗重,所以個人不太喜歡呢隻powder 2. Laura Mercier Mineral Finishing Poweder 小編個人幾滿意laura mercier呢隻powder,上年買時既價錢係$310 佢粉粒好幼細,妝感不重,尚算long lasting~ 而且對小編既控油效果可以接受,各位sis可以考慮下﹗ 3. Make up forever HD POWDER 小編個人非常喜歡呢隻powder (雖然現在已被新歡取代),小編買既時候,價錢係$330 佢粉粒非常幼細,做到小編最愛既近乎「零妝感」效果 不過要留意,呢種透明既powder好透薄,可算係完全冇遮瑕力 如果各位sis係prefer碎粉可以遮瑕,修飾膚色既話,呢隻HD powder就唔係太岩你啦 4. MAC Prep + Prime Transparent Finishing Powder 取代左HD粉既就係佢啦 呢隻prep and prime powder小編大概用左一個月 冇記錯的話,小編買左$220 對小編黎講,呢隻powder係make up forever HD粉既進化版 佢地粉質非常相似,都係好幼細同透薄 不過小編覺得MAC呢隻powder既控油度同持久度比HD粉好少少 而且價錢上更抵 (笑) 各位sis可以因應自己既膚質需要去購物適合自己既底妝產品。 希望小編既review對你地有幫助啦﹗ 以上分享只屬個人感受,用後感及效果可因不同膚質或略有差異,而效果乃因人而異,如需協助或獲得更多產品資訊,請直接聯絡該品牌查詢或尋求相關專業意見。