想去伊朗既你必定係一個旅遊精, 週遊列國, 去到無咩地方好去, 咪諗下伊朗囉~~~ 哈! 每次我提起去伊朗, 大家都覺得我係咪癲左.... 去旅行去到上腦.... 危險, 邪惡, 打仗.... 就係一般香港人對伊朗既印象. 我由開始想去伊朗, 到計劃去, 到決定去.... 伊朗係我心目中既形象不斷改變, 而家去完返黎, 我可以同大家講, 伊朗無一d 令你嘩嘩嘩聲既景點 (最多嘩兩聲), 亦無咩好壯觀既自然風景, 但佢有既係人心, 伊朗人既好客熱情, 就係伊朗最美既風景. 日期: 2017年8月 (10天) 航空公司: QATAR Airline (經多哈轉機), 從香港飛伊朗首都德克蘭, HK$5400 連稅 天氣: 30-40度 (好熱, 但可接受, 我去的時候係8月尾, 據當地人講, 早兩星期仲熱, 所以大家想去, 就盡量避免8月中喇) 到訪城市: 德克蘭 Tehran---> 伊斯發罕 Esfahan---> 亞茲德 Yazd---> 設拉子 Shiraz---> 德克蘭 Tehran 主要交通: 德克蘭---> 伊斯發罕 長途巴士6小時 伊斯法罕---> 亞茲德 長途巴士5小時 亞茲德---> 設拉子 長途巴士6小時, 此程我選擇了夜車, 因為想省時 設拉子---> 德克蘭 內陸機, 去到當地, 朋友幫忙上網買, 約HK$650 長途巴士班次都好密, WALK IN 買飛沒問題, 即時走唔到, 下兩班都會走到, 穩陣d 都可以預先買訂 一般市內交通都係坐的士, 無咪標, 上車前請先講好價錢 貨幣: 可用美金或歐元到當地對換 貨幣單位係IRALS (銀紙上印的單位), 但當地人講價錢時係會講TOMAN 的, 1TOMAN = 10 IRALS.... 唔好覺得好複雜, 呢件事係出發前好困擾我, 因為我係數學白痴, 好驚好多個零唔識數錢, 但其實去到你自然識數.... 好簡單的 :) 住宿: 伊斯發罕--> COUCHSURING (如果你唔知咩係COUCHSURING, 另文會解釋) 亞茲德--> ORIENT HOSTEL 推薦的, 大約HK$ 100/ 床位, 環境及清潔度都蠻滿意的 (沒有預訂, WALK IN) 設拉子-->NIAYSH BOUTIQUE HOTEL 大約HK$280/ 晚, 獨立房間+ 洗手間, 推薦的 (有預訂, 因為獨立房間數量比較少, 亦有床位提供) 德克蘭--> WALK IN 了一間酒店, 但太差了, 不推薦.... 個名都都唔記得左... 哈!!! 服飾: 女性要穿長衫, 長褲, 及帶頸巾, 頭巾可以彩色, 不可穿露指鞋, 男性不可穿短褲 來吧! 跟我一起去看看伊朗吧! 到了伊朗的巴士站
