終於買左make up revolution既iconic 3 eyeshadow palette喇! 一直有聽講過佢係Urban Decay 既Naked3翻版 上網睇review， 大家都話佢既色同naked3 eye一模一樣 品質都非常之好 究竟佢有冇傳聞所講咁神呢? 首先講下佢既包裝先 佢係膠質既，好清楚會見到入面既眼影 有少少扣分就係佢入面無鏡 咁帶出街補裝/去旅行既話就會麻煩少少喇 但佢既顏色真係好靚 因為全部都係暖色系，所以好適合亞洲人用! 佢全部顏色都係偏向粉色系既 而且佢不論係淺色定深色都好，都非常之上色 持久度方面，呢隻eye shadow既持久度都幾好 不過小編仲未試過夏天既時候用佢 一買已經係冬天喇 ~ 都keep到成日 另外，眼影既細滑度都唔錯，好易推 以佢咁平既價錢 ($71包郵費)黎講，quality已經算係好唔錯! 不過要留意既係 Eye palette入面最深果隻色都係有閃粉既 小編覺得如果呢盒eye shadow palette有埋matte色既色就 perfect喇! 希望以上既分享幫到各位sis啦 ~ 以上分享只屬個人感受，用後感及效果可因不同膚質或略有差異，而效果乃因人而異, 如需協助或獲得更多產品資訊, 請直接聯絡該品牌查詢或∕和尋求相關專業意見。
