早前支付寶官方話要搞實名制 又話唔盡快綁戶口既話,支付寶啲錢會無晒 就係甘,我一夜就清晒支付寶啲錢(好彩唔多姐) 其實除左淘寶之外,去大陸消費用支付寶真係幾方便,於是我就決定北上開返個銀行戶口綁返個支付寶 事前我上網搜集資料,但功夫做左8成就上去開啦 (衰野唔好學~) 北上當日星期5,上到去已經2點幾 食埋野去到建設銀行4點15左右(根據上網既講法 比較多人話建行好 手續費果啲加加埋埋係最抵) 原本打算去羅湖站附近既建行,後來去東門附近既check in酒店途中見到建行,於是就東門分行搞 !!留意返 我最後係失敗收場!! 建行職員話4點前整唔到,因為系統連接唔到 佢果頭叫我星期一先去整,轉個頭又話叫我第2朝(星期6) 9至12點去 我當日好乖甘第2朝倒屎甘早再去 去到有個無著制服既職員(應該係岩岩落班)拎左我啲證件話可以即 轉個頭又將我啲證件比保安,個保安同counter職員溝通之後又話系統連接唔到(=.=)<我整~曬我時間> 拎返晒啲證件就走人 行行下醒起附近有間中銀,唯有去撞下彩 好好彩今次成功搞到,而且中銀服務好好 ^^ 依家講下個中國開戶流程: 1. 帶個人,回鄉證,大陸電話號碼(一樣行左實名制 有機會會講埋我開電話卡啲蠢野),地址(我用香港地址), 帶少少錢(10蚊都得) 2. 去到中銀門口有個比人查詢既櫃檯,同職員講想開個戶口用黎綁支付寶(**記得講埋要開網銀 即網上銀行) 3. 職員會禁張飛比你,同拎一啲相關既申請表比你填寫資料啦 i. 個人賑戶開戶及綜合服務申請表(顧名思義係申請表一張) ii. 電子銀行個人安全認證工具領取回執(有幾條問題問下你 有無比人指使/強迫/脅迫你開戶) iii.(唔記得呢張form咩名,大概係填少少背景資料做下統計同調查 eg: 入息...) 4. 填完簽埋名等嗌號(我當日等左 3個字左右) 5. 嗌到你就去服務櫃檯,比晒啲forms同埋回鄕證個職員,同佢講多次開埋網銀綁支付寶(***同埋講要免年費,佢話第1次申請都免年費) 6. 之後佢一邊搞申請,我一邊喪問佢問題(啲問題我一早mark係電話提自己晤佢) 最後知道左: i. 無最低存款金額: 無 iii.唔係用USB盤,而係動態口令牌(即保安編碼器,申請埋手機銀行動態口令牌就免費,否則要35蚊好似係) 動態口令牌 (即保安編碼器) iv. 唔可以係香港存款 v.無年息 vi.無手續費,但要5蚊開戶費 7. 要做電話號碼確認同綁定,你即時會收到短訊發出手機驗證碼,然後係櫃檯前部機輸入手機驗證碼 8. 申請手機短訊(每個月收2蚊,login網銀做交易都會有收到sms) 9. set ATM, 網上密碼 同簽名等等 10. 可以即時入錢落戶口,順便比5蚊開戶費 11. 最後會比埋銀行卡,動態口令牌同啲文件既底紙copy 你 收返唔同既文件收據 最終我今次開戶用左7蚊人仔45分鐘左右就開左網銀同手銀。(銀行卡方面,張卡個名叫長城電子借記卡。好難聽既名!!) 以為就甘就完?錯啦! 之後去返查詢櫃檯 activate 個網銀 仲有仲有...要超級留意 記住要開通網上銀行所有功能。因為單單activate網銀既話,登入網銀後淨得查詢功能(只show到你戶口有幾錢)無其他功能架!(開通網上銀行所有功能只能夠係大陸門市搞) 好啦~搞掂啦!可以綁支付寶啦!! P.S 中國銀行營業時間: 間間有啲唔同,我去果間星期六日早上9點至下午4點都有提供個人戶口服務