#📍 小漁港海鮮舫 鮮蒸‧鮮味火鍋 (太子荔枝角道127-133號地下） 香港人鐘意食海鮮就一向架拉，蒸汽火鍋就係食海鮮最佳嘅方法👍👍 位於太子嘅小漁港海鮮舫，晚晚都座無虛席，今日難得落雨唔多人，等左20分鐘左右就有位👍 先食個刺身拼盤，開下胃，刺身新鮮，完全可以媲美高檔壽司店質素👍 避風塘鮮魷，炸得外脆內嫩，蒜香味好濃，超好食🫡🫡入正題，海鮮啦😎🤝🏻 龍蝦套餐，每一樣海鮮，服務員姐姐都會幫忙較時間同放置，我哋坐定定食就ok，正🤝🏻 蒜蓉龍蝦，蝦肉超級爽口，彈牙。仲有個扇貝，配埋粉絲真係最佳拍檔，肉甜粉絲香🫰🏻 點擊圖片放大 更正既係個聖子，啲肉甜到一個點，又滑又甜，四隻真係唔夠食🥹 生蠔、鮑魚、蜆、馬友都係鮮味十分，要encore啊！ 最後蒸埋個蟲草花雞烏冬🫠 又一個食到停唔到口嘅正野，烏冬吸曬啲雞汁，好好食😆😆 分量太足了，搞到最後個海鮮粥，都淨係可以試下味🫠 呢個吸收曬全部精華嘅排骨粥，真係無得輸，甜！香！滑！超正🤝🏻
