#📍 圍威喂 (荔枝角青山道495號誠信中心地下1號舖）今日去左荔枝角D2商場街完街。 見肚餓就周圍搵野食。最後見到間鋪頭名幾搞笑［圍威喂］，裝修都好新式，整體又乾淨既鋪鋪頭。入到去 。點擊圖片放大 坐底發現原來係泰式餐廳。由於係我喜歡既泰式口味餐廳所以二話不說立即開始叫野食。 圍威喂！ 海南雞飯D雞大件得黎又好滑 個飯上面仲有D蝦乾 好脆好香口 撈飯一流。仲有食海南雞既醬又有碟油菜 真係好抵食。我覺得高質推介 圍威喂！大蝦炒金邊粉真係大蝦冇呃人，鮮甜，金邊粉 辣度岩岩，絕對唔洗另外調味。入邊仲有其他肉類大件夾抵食，D肉都係滑身又唔乾。最重要係泰國正宗口味。有小食就唔係食泰國菜啦 所以叫左2個小食過下口癮。 扎扎跳手打蝦餅熱喇喇 又脆身 內裡又彈 加埋泰式辣醬 成件事變到好完美。 推薦叫一份 包你地滿意 。 香辣參巴魚蛋白魚蛋 好彈牙 又有魚肉香味，係高質魚蛋。配埋蝦乾仔 加生菜一齊食 呢個嘗試好夾。魚蛋愛好者必叫。 最後想講 冷檸檬茶 係真正泰國口味，因為有用到青檸。下次得閒一定會再去幫襯。
