#📍 烤吧31 (深水埗福榮街25-31A號新榮大樓地下E號舖) 今日收工左去食飯,原因係佢發現左間好chill既食肆。可以飲酒食串燒食烤魚仲可以打埋邊爐添。仲係自己門口設左室外專區。果然夠chill 。拎住餐牌諗左好而,究竟食咩好。最後揀左烤魚(海鱸魚)。[揀左香辣豆香味]。條鱸魚烤得好香,再加上香辣豆香味做底 ,真係好夾。鱸魚鮮甜,超少骨,啖啖肉。好食到叫埋白飯慢慢品嚐。再叫d蔬菜(吸汁大法)<腐竹,娃娃菜,金菇,蘿白片>全部新鮮,吸埋汁 簡直完味。點擊圖片放大 +4 食食下 望到格黎幾台客都叫左 招牌燒生蠔 同 燒扇貝。忍唔住我都跟住叫埋一份。扇貝好大隻 加埋d蒜 大滿足。新鮮勝於一切生蠔都勁大隻 一粒沙都冇。燒既熱度岩岩好 鮮味不會流失 反而 令生蠔更香口了。所以真係好彩冇跟錯。 下次放假都會約埋朋友再次幫襯 !