今日雖然係龍舟節,但無同Bear去游泳,我相信大家都有食糉,依家要好食既糉其實已經好難搵。我就同Bear兒食左2隻,當應下節。 大家記得的話,我很喜歡同Bear去不同的地方玩,特別是去不同的地方游泳。大家有印象的話,我上星期同佢去咗好靚既觀塘泳池游泳。因為本身天陰微雨,無擦防曬。不過,後尾因為出太陽,結果被太陽曬傷。 我之後有努力擦有機金盞花潤膚露同出街都有擦防曬,大家見都既都已經係好番好多啦。依間shop既金盞花類既護膚產品幾多,大家可以去望下,岩既就買啦。唔去游水,唔代表無活動,阿Bear最近沈迷睇youtube既Mario switch game,佢好想要依隻。 結果今日既活動變左同佢去灣仔買game,佢見到隻同youtube睇既一模一樣既game既時候,佢真係好開心興奮架。我地之後一路行一路行,行到時代廣場,見到做緊donald ducks展覽,佢一時興起又話要入去喎。 人又唔算好多,不過問題係場地每round只淮30個人,每round既人玩10分鐘咁囉。我地前面仲有一group人,都等左15-20分鐘先入到去。不過,我都感到恩惠的,因為Bear肯等咁耐為左入去玩,等既途中問左佢2次要唔要走,佢都話要排隊入去喎。有時候,孩子真係會不知不覺咁長大架。入面有搖搖板,有哈哈鏡,有小遊戲,都係D小朋友鍾意玩既野,商場展覽黎講叫幾有心思。我叫Bear放隻手入去試下: 玩完之後我地行左差不多半個鐘先番到去,結果出一出街都去左2—3小時,再番黎打機就咁過左一日。事後我覺得:1. 小朋友真係會不知不覺咁長大。可以陪佢地一齊玩既時間其實唔多。2. 有時真係唔需要同小朋友有太特別既活動,可能陪下佢地一齊玩下,過一日就係咁簡單。