今日又再介紹一個新的泳池,你地可能會有疑問,點解我係咁介紹泳池。無他的,就係個仔好鍾意體感活動,包括:跳,游水,跑步等。不過,嚴格黎講佢絕對唔可以叫游水,因為阿Bear佢根本都無游過,一直都係浸係水中玩撥水。Anyway啦,今日天氣麻麻,所以早左同佢出去,12點半左右就出發去觀塘。觀塘可以話係一個我好熟悉的地方,我的工作生涯,有一半都係觀塘至牛頭角中渡過。一直都知有一個游泳池,但就是未去過,正常都唔會帶泳衣番工掛(我估)。帶住阿Bear搭港鐵,係車廂入面已經見到泳池,又係一個有室外泳池的地方,仲要有3個池。 落車出口行7-8分鐘就到,0個度路面維修,都好似修左幾耐下啦喎。最後,順利行到去入口,印象中好似幾年前有做過翻新工程,入面大堂都整得好靚。 今次唔記得帶入locker銀仔,counter等陣都一段時間先成功唱到。最特別既地方係個locker居然係用2蚊 (唔係5蚊,我仲等左咁耐添).入到更衣室,即刻拎支消毒噴霧噴噴長凳,好快咁換好衫,再噴噴個locker同支鎖匙,每次外出既時候我都覺得支野好好用,又唔臭。幾有心做的DIY清潔用品/護膚品小店,大家有興趣可以去佢地官網睇下。 入到去發現有室內同室外池,阿Bear 二話不說就去左室外池部份。地方十分大,我個人覺得大過當年的維園泳池。阿Bear係入面周圍跑,要揀一個池跳落去。最後佢揀左個最大既池開始玩,佢得1.2X米左右高,跳左落1.4米既位。飲左啖水。佢玩完一個池再去下一個,總之就係要玩晒為止。(其實我都唔太覺有乜分別)最抵死既係,玩玩下太陽出來了,無擦防曬,頸背都有小小曬傷。玩左1個鐘左右,再次問Bear,下次去堅尼地城定觀塘啊? 佢好堅定咁話 : 觀塘個人玩後感1. 公共泳池翻新後真係越整越靚2. 我覺得locker可以整八達通囉,每次唱錢都好煩。維園0個次要走番出去唱。3. 小朋友都喜歡 室外 同埋 大既地方,有多D就好啦。4. 下次去邊好呢? 賣個關子先啦。