上一次講到同Bear去咗維多利亞公園游泳池,因為都有成年無去到,佢一落水十分興奮。不過,略厭到後期有點悶。難得星期日又好好太陽,Bear兒又嘈要去游泳啦。可能D小朋友都鍾要玩水啦。咁我問佢想去維園定堅尼地城游泳池。今次佢好堅定咁話要去堅尼地城。再問一次,去維園得唔得?佢好堅定咁話:「唔得,要去堅尼地城。」咁好啦,2點幾,外面咁孟太陽,就同Bear擦低敏防曬再出發。上康文署個網睇一睇,唔講唔知,原來堅尼地城游泳池最近的是香港大學站,而唔係堅尼地城站。同Bear講好先出發,如果唔係,佢又會要去堅尼地城站。去到香港大學C2出口,向海邊方向行,3分鐘左右就已經見到座野。 成座野望落去又有D似會展,其實之前搭的士都應該有經過過依座野。不過,當時無特別留意係D乜黎。入面好大,有室內同室外泳池。室內有2個池,室外就有1個池+1個小朋友滑梯。阿Bear好鍾意室外部份,佢好想好想衝去滑梯個度。不過,因為疫情關係,封左。好可惜啊! 同Bear係外面泳池玩左成個幾鐘,都真係幾曬,好彩有擦防曬,我都係睇依個blog介紹既。入面有好多小朋友有帶玩具入去,阿Bear好想去搞,下次都係自己帶啦。走既時候問一問阿Bear,下次要去邊到游泳,佢二話不說咁答:「堅尼地城」。去完之後,我有以下感想:1. 有室外池係真係好開心的,有陽光既時候水亦都會溫。2. 堅尼地城游泳池個環境真係比維園好好多,不過就係有D遠。3. 唔check既話,我都會搭到去堅尼地城先知原來要去香港大學站,或者要行遠D囉。4. 上年特登去左幾次staycation,就係想去玩酒店泳池。不過疫情好返D既時間,真心覺公共泳池係唔錯選擇。