話說上星期日同Bear去銅鑼灣的時侯,撞到佢老師一家大細去完堅尼地城游泳池游泳,咁Bear一直念念不忘好想去游下。琴日同佢踏滑板車行過維園的時侯經過維園泳池,Bear好想入去游泳,於是乎今日同佢去。誠實地講,以前都有成日去維園游泳,都十幾年前,當時香港地都未充斥住自遊行。自從自遊行開始次後,就再無去過。本來想係佢翻新之前再去一次,不過就係一直都無機會。今次係翻新之後第一次去依度,唔知呢種叫唔叫「舊地重遊」呢! Bear係公園外面跑咗好耐,仲係草地到玩泥。之前佢隻手好似已經被野咬左一啖。公園今年好似特別多蚊。 所以今次帶左蚊膏去,上次俾蚊蟲叮得幾犀利,擦完幾有效的,有興趣可以上去官網睇下。recap:Bear係一個好好動的小朋友,又容易被環境sidetrack。玩左差唔多半個鐘,先嘈話要入去。 好彩即刻上康文署網站睇一睇佢既開放時間,仲有1個鐘可以游,就同佢入咗去。 入到去發現佢已經改成兩個池(無左以前的BB池),淺色D的池有1.2 米深,好standard既深度。我發現Bear上年去1.2米池的時候都仲要腳趾企,今年已經唔使啦(又高左好多)。佢既1.2米池有部升降機可以上去跳板,應該係俾D運動員跳水的.Bear一直都嘈要去,我無理佢同佢玩水。泳池佢地係池中間間開一條條線,叫循環線,唔知有咩作用。玩後感:1. 翻新後游池好靘,又係室內,水又唔凍(唔知係咪暖水池)。平時落雨都可以選擇。2. 好多小朋友練水,我估放工時間更多。想像唔到有自遊行期間可以點游。3. Bear兒基本上十分滿意,不過,就係厭無乜野做。下次要帶游泳板被佢試下。4. 成件事都夠同佢去玩2-3小時,個人覺得抵玩過同佢去staycation.5. Bear兒唸唸不忘堅尼地城游泳池,下次去完再同大家分享。