唔知點解,好鐘意睇相體節目, 有一段時間不停睇" 我們約會吧" ...雖然有好多女參加者都好8婆,又多多要求....但又覺得呢個就係現實... 之後,發現左一個叫"非常完美" ,呢個係女人黎搵男人, 結果一睇就不能自拔,就算再忙,幾個月後,仍然會搵返舊個D黎睇... 可能係呢個節目有太多感動人心既時候,可能係我身邊既男人唔夠完美, 唔係...應該係有D野我係我男人身上搵唔到, 而係"非常完美"既男嘉賓身上, 我可以幻想下....但我仍然最愛係我男人!! 我曾經都係一個追求完美既人, 希望自己可以讀書叻,運動叻,音樂叻,做義工,外貌靚, 但隨著日子既過去, 我發覺, 原來我唔得....結果係....讀書唔叻,運動唔叻,音樂唔叻,無時間做義工,個樣旺角都搵到幾十個.....哈哈! 做返一個平常人, 所以睇呢個節目常有感觸, 非常完美~我曾經都幻想過... 曾經諗過如果自己有一日要上呢個節目, 講3個可以同不可以....我諗我應該會講"無咩可以同唔可以, 只要有你,所有唔可以都變成可以~" 好...發夢完畢