唔經唔覺黎到年尾，今年轉變都好大， 每晚都不停忙工事， 好唔容易先有日可以搵個舒舒服服嘅地方 食吓嘢、傾吓計。 我地去咗佐敦嘅Chelsea Garden & Restaurant， 尼度環境好舒服，格調好、服務一流! 而且地點好就腳，佐敦 / 柯士甸道站出都得。 點擊圖片放大 燈光柔和、座位寬敞、環境非常唔錯， 仲有陽台，外面種左好多植物。 每張枱都有一個小蠟燭 、永生花擺設， 加上枱面嘅雲石pattern，感覺好有格調。 每個餐都有2隻生蠔，今次尼隻係 法國黃金蠔 ， 海水味濃，口感清新，肉質爽滑。 而餐湯係意大利菜湯， 香濃滋味，湯內有蔬菜粒，有咬口；餐包外脆內軟。 好欣賞餐廳上每一道菜都係熱辣辣， 我地先叫左個 燒伊比利亞黑毛豬柳伴華道夫沙律， 尼間嘅黑毛豬柳係我食過之中數一數二好味， 黑毛豬面層微脆，豬柳肉質紮實、入味， 加少少Piper喺上面更加滋味。 另外，個華道夫沙律 非常健康美味! 入面有蘋果、西芹、合桃、提子乾等等， 令成個餐絲毫油膩感都無，非常推介!!! 我地仲叫左個 西班牙海鮮飯， 上枱時已經畀隻龍蝦吸引住! 入面有龍蝦、鮮蝦、扇貝、魷魚、青口等等， 尼個西班牙海鮮飯 同出面食嘅唔同， 平時食果啲 ， 飯會偏硬身， 但尼個無硬芯但有彈牙感覺，而且好入味。 海鮮鮮甜入味，仲有成隻去殼龍蝦， 食得好方便，餐廳好細心! ♥♥♥♥♥♥♥♥♥♥♥♥♥♥♥♥♥♥♥♥♥♥ ♥Follow Facebook: B.Yuetyuet ♥Follow ig : Byuetyuet ♥♥♥♥♥♥♥♥♥♥♥♥♥♥♥♥♥♥♥♥♥♥ 免責聲明:以上文章純屬筆者對於以上產品的個人感覺, 而效果乃因人而異, 如需協助或獲得更多產品資訊, 請直接聯絡該品牌查詢或∕和尋求相關專業意見。 歡迎合作聯絡合作，Event、產品、食品、穿搭分享: bduckyuet@yahoo.com.hk ❤ FB 、❤iG、❤Blogspot ❤ OpenRice ❤ the Ztyle、❤She.com、❤ WeShare ❤Elle.com ❤BE 、❤uBlog、❤ iMore 、❤beautyQooza ❤BL、❤Tryit、❤fnb ❤Salad 、❤ladyQooza
