終於食到 nana's green tea!!! 前幾日在迪士尼渡假區裡面的商場Ikspiari 見到已經好想食~可惜當時已經飽到上心口~ 見到Tokyo Solamach 有分店~身為茶控的小女子當然要去食啦!!! 位於4樓的抹茶專門店nana's green tea來自東京自由之丘~ 除左有好吸引的抹茶飲品、雪糕甜品之外~仲有飯set及烏冬 Tokyo Solamach 分店的裝潢以白色為主~白色布幔打造出夢幻的氣氛~ 好girlish~ 其實主要的顧客亦以女性、couple為主~若然兩個男生嚟呢度食甜品~就算係食飯~都有啲怪怪的... 啲櫈有啲似千層糕 當時係lunch時間~大部份的客人都係食緊lunch set~隔離枱的兩位日本婆婆就叫左生魚片丼飯套餐~都好似好好食咁~ 但我哋的著眼點係甜品、甜品同埋甜品~ 飯set下次再食吧~~~ 以抹茶為主角的parfait聖代~依自己個人的喜好選擇不同的搭配 from 官方網站: http://www.nanasgreentea.com/ 小女子揀左抹茶蕨餅parfait~最上面的係濃郁的抹茶雪糕、紅豆蓉、cream、蕨餅~ 蕨餅好好食~好"煙韌"~係當時小女子食過最好食的蕨餅~ 不過依家位置已被取代~~~nana's green tea的蕨餅在小女子心中係第二位~~至於第一位呢~~(容後再分享) 中間果層放左抹茶啫喱、粟米片、牛奶雪糕、抹茶蛋糕~最底就係抹茶啫喱(寒天??)、抹茶醬 份量一啲都唔少~食完之後超級飽~分分鐘飽過日本婆婆個飯set~ 濃郁的抹茶雪糕配上唔死甜的紅豆蓉~perfect match!!! 加上煙韌的黃豆粉蕨餅、趣卜卜的粟米片、香滑的忌廉~口感層次極豐富!! 既精緻又豐盛的抹茶蕨餅parfait大滿足~!!! 價錢係950yen連稅~ 狂人弟叫左抹茶蛋糕parfait~佢超級超級飽!!! 抹茶蛋糕parfait連稅承惠1004yen~ 鍾意抹茶的你絕對唔可以錯過呀!!! 更多文章：https://bcharcoal.blogspot.hk/
