Wendy 由十幾年前已經開始做網購，由日韓時裝、批發化妝品、玩具電子產品、英美名牌手袋等等，真真正正係由廿歲走水貨走到三十幾歲.... 無論係 Yahoo Bid、Carousell、eBay、Amazon、Shopline、Shopify、HKTVMALL、BigBigShop、日本樂天、韓國東大門 GMarket、大陸淘寶、台灣 Shopee、中南亞 Lazada 等等....通通都有接觸！ 世界變得好快，科技業物流業不停進步！今時今日如果你識英文，基本上用網店已經可以將貨品賣去全世界大部份國家。就算依加起步都唔會太遲，不過就建議先做本地學起～ 先唔講外國平台，今日小編為大家介紹一下香港嘅網店平台，一一話你知各個平台嘅優點同缺點。順便再同大家分享少少入門心得啦 ... 時至今日，開網店已經唔需要自己寫程式架喇... 一個月比幾百蚊月費，已經有大把平台任你揀，部份仲會有免費講座教埋你點玩網購、點做廣告、甚至幫你同外國批發商攞埋貨。就算打工仔 PartTime 或者師奶 HomeOffice，小則個月搵幾千，大則全職搵幾十萬，其實唔算出奇，特別係網紅，粉絲多、訂單多、收入多！ 新開網店，最難係乜？宣傳？呃Like？壓低來貨價？ 我個人覺得通通都唔係，最難其實係做到係「搵供應商合作」同埋個「銷售量」，做零售生意，只要做到個量即係有「貨品差價盈利」，而最重要最重要係，只要你做到個量，入貨價即刻變批發激安價！例如你同供應商買 10 部手提吸塵機咁，成本每部可能係 $500；但係如果一攞攞 100 部呢？成本可能變成 $200。 呢個問題去到 2018 年其實已經有幾個香港平台已經解決咗，佢哋會集合所有會員嘅單，一次過同外國供應商攞貨，例如 店主A 10 部、店主B 26 部、店主C 3 部、店主D 11 部，加埋 50 部，平台會一次過集合大家嘅單幫大家入貨，而做到個「量」，所以同時亦都會同外國供應商變成合作伙伴，來價貨就更抵！ 一件貨市面賣 $1,000 既話，你自己個人去攞貨，搞好耐公關手段，可能做到七折 ($700），如果靠平台幫你攞貨呢？可能會做到五折以下，甚至更低！小編試過入到一批貨，係面部按摩棒，百老匯做 $1,200，我靠平台幫我入貨每盒成本 $100 .... 所以初做網店，咪諗住靠自己攞貨！搵大台（平台）幫你啦！ 好喇，講左咁耐，而加香港入門做網購，玩邊個平台好呢？ Shopline 推薦度 : ★★★★ 優點 : 本地公司、網店功能最齊、繁體中文、數百元月費開店 缺點 : 要有較深層次電腦知識、全部設定需由自己操作、僅提供網店、不提供網站人流及批發貨源 HKTVMALL https://www.hktvmall.com/ 推薦度 : ★★ 優點 : 本地公司、利用大數據帶動消費人流、線上線下媒體宣傳多 缺點 : 數千蚊月費、每賣出一件貨品還會被分拆佣金、規則罰款多、不適合市民大眾、不提供批發貨源 eBay 推薦度 : ★★★ 優點 : 可以用免費版、可以賣向外國市場 缺點 : 需要英文能力、國外物流解決方案、大量繁複驗證工作、不提供批發貨源 PRICE 推薦度 : ★★★★★ 優點 : 後台簡單易用、會有網上人流帶動購物 缺點 : 必需為公司及有商業登記、貨品出售後約需 2 ~ 4 週才會收回款項、不提供批發貨源 其他 .... Yahoo Bid 推薦度 : ★★ 缺點 : 過時，已沒太多人使用、無法線上付款、溝通困難 Carousell 推薦度 : ★★ 缺點 : 無法線上付款、賣二手物品為主、競爭很大 Amazon 推薦度 : ★★ 缺點 : 免費版很易被鎖帳戶、需要英文能力、國外物流解決方案、大量繁複驗證工作、不適合新人 Shopify 推薦度 : ★ 缺點 : 非本地公司、支援不足 日本樂天 推薦度 : ★★★ 缺點 : 需要日文能力、國外物流解決方案、必需為公司、不適合新人 大陸淘寶 推薦度 : ★★ 缺點 : 中國物流極為複雜、價格競爭大、不適合新人
