一天沒有出POST...我的心會癢癢的... 不過...昨日...沒有點點感覺... 咋天早上...準備帶小女回校的時候... 我發現小女鬼鬼祟祟地拿自己錢包的零用錢... 她偷偷拿了一張十元紙幣... 我即時拍枱發怒...狠狠打了她一巴掌... 小學開始...我們會給小女零用錢... 一早講好帶錢回校買零食要交代一聲... 唔可以私自帶錢...二年級一直如是... 我信任她...零用錢給她自己保管... 可是...昨天當我發覺小女不問自取... 雖然零用錢是她的...不過...這個行為等於偷錢... 一路行我一路質問她...她仍然不講真話... 那種感覺差過成績唔好呀... 送左小女回校...我獨自回家一路想... 究竟幾時開始咁曳架...真係越諗越傷心呀... 我再發覺錢罌的硬幣已經差不多清光了... 即是她不是第一次了...真係心如刀割... 唔係第一次...但是...我竟然一直唔發覺... 我真係覺得好慚愧... 心入面真係有好多問號... 究竟點解她要暪住我帶錢回校呢??? 她只要告訴我就可以帶錢買零食... 究竟點解她要不停講大話呢??? 她知道講大話會打得好金... 究竟點解她要帶錢回校買零食呢??? 我有買零食給她帶回校食... 除了我爆嬲...還有...蝦子餅... 蝦子餅一向是賞罰分明的人... 小女講大話...他會動手打的... 不過...蝦子餅沒有動手...只跟她講道理... 我知道他一定好嬲...好痛心... 因為...我跟他感受一樣... 打沒有用...一定要讓她明白自己做錯... 早上的一巴掌是我氣上心頭...控制不了的行為... 我好後悔當下未能控制情緒... 教小朋友真的很難...我開始懷疑自己做唔做到... 成績好唔好...原來唔係重要... 相比之下...我覺得品格較重要... 成唔成龍唔重要...只要唔好行差踏錯... 做一個正直的人就足夠了... 聯絡我 ~ bbg1668@yahoo.com.hk 月兒部落分社 : BEAUTY LIFEBLOG BECB THEXXXXX UBEAUTY F&B ELLE YAHOO SHE QOOZA ASW MYAGE 請大家多多指教呢...
