我的母校在界限街附近...所以... 讀書的時候經常光顧鴻運小食... 鴻運小食座落於界限街三十四號地下... 唔知有冇人食過呢??? 畢業多年...仍然忘不了...那種味道... 可能太多回憶吧... 那些年我食LUNCH最多的地方... 在我心中...沒有一間車仔麵可以媲美... 重臨舊地...車仔一樣放在門口位置... 似曾相識的的摺枱...摺櫈... 唔知係唔係那些年的摺枱摺櫈呢??? 排隊買啦...一個油麵... 兩份魚蛋...一份豬紅...一份豬腸... 一支忌廉...總共二十六元... 價錢沒有多大的變動... 三餸一麵只是加了兩元...由十五元加至十七元... 另外加餸每款四元...只是加了一元... 老實說...大型連鎖店唔知加左幾多次價啦... 小本經營算好好了... 老闆樣子老了... 試試味道...水準依然... 還是我最愛的魚蛋豬紅...可惜... 雞翼尖...剛巧售罄... 唯有...食多款豬腸啦... 那年我會三餸一麵...魚蛋豬紅必食... 另一款雞翼尖要睇睇好唔好彩啦... 唔好彩就轉其他...一係蘿蔔...一係牛腩... 那年吃的蘿蔔真係無渣好甜...那天忘了試一試... 牛腩想食架...不過...小女唔食牛... 點了豬腸...唔知味道有冇變...因為... 從前我唔食豬腸...識了蝦子餅識食了... 豬腸味道不錯喎...腥味不大... 二十二元三餸一麵...包一支汽水... 真係抵食...可是... 地方不就腳...不可以常常光顧... 食唔到雞翼尖...心裏始終心掛掛呢...
