一向包開餃子...不過...蝦子餅原來愛吃雲吞...為博夫君一笑...當然唔理三七二十一啦... 餃子包得多...雲吞還是第一次... 唯有做下資料搜集啦...發覺關鍵係大地魚粉... 可惜...我冇...唯有...唔用啦... 最後集百家之大成...自製左鮮蝦雲吞... 點擊圖片放大 +2 鮮蝦斤半...去殼後挑蝦腸...用鹽水洗一洗... 加鹽...胡椒粉...蛋白攪拌後...放入雪櫃... 豬肉三十元...剁碎...用鹽...糖...胡椒粉...粟粉...麻油...醃二小時... 廣東雲吞皮七元...大約八十塊... 包前把豬肉碎同鮮蝦混合...攪至起膠... 隨即可以開始包雲吞啦... 材料放在皮中間...多少隨個人喜愛... 不過...個人認為...一個五元份量已經足夠... 第一次...大小都有包... 比較之下...個人認為細粒好過大... 不用用水或蛋汁貼合...只要隨手捏起就得啦... 因為...材料有膠質會自然貼合...不會散開... 包好後煲兩煲水...一煲煮雲吞...一煲做湯底... 湯底我用左豬骨濃湯寶加白菜仔...用細火慢滾... 另一煲滾水後...放入雲吞...雲吞浮起後滾多五分鐘就熟啦... 撈起放入一個碗...淋上預備好既湯底...灑上少許葱... 見得人...食得落既鮮蝦雲吞就食得啦... 為左避免小女食太多蝦...特地包了菜肉雲吞... 不過...唔記得影相... 第一次包雲吞獲得一致好評...感覺超爽... 蝦子餅提議下次加炒香芝麻... 如果下次...我想加大地魚粉...
