又寒又乾的日子...一家人要飲多一兩啖湯水... 一家之煮需要識得未雨稠繆...為家人補充身體水份... 滋潤喉嚨...等大家唔會咁容易病... 滋潤肌膚...等濕疹唔好纏繞個女... 不過...我諗左好耐... 依然心大心細...唔知煲咩湯好... 點知...我發現街巿有海底椰... 海底椰在我家樓下的街巿係好少見...咁岩撞到... 自然就諗到今晚飲咩湯了... 海底椰紅蘿蔔栗子螺頭湯... 海底椰一包二十五元...四個小椰果... 紅蘿蔔一大條...洗淨去皮切件... 栗子半磅...煲滾水就可以容易去皮... 螺頭兩個...去腸洗淨... 圖中右面係完全未洗...可以見到好多黑色... 洗乾淨...汆一汆水就切片... 西施骨斬開幾件就汆一汆水... 兩粒蜜棗...茨實適量... 十大碗水...加入全部材料... 中火煲一個小時...一路煲會聞到好清香的椰子味... 再轉細火煲一個小時... 最好略加少少鹽就可以飲啦... 轉凍開始...我家大人已經話喉嚨唔太舒服... 經常感到又乾又渴...好似作病咁... 海底椰湯飲落啖啖清甜...一碗已經足以解除大人的喉嚨症狀... 大人飯前一碗飯後兩碗...一人 KO 左三碗... 唔需要講出口已經知道味道冇得彈啦... 而我家大小姐就飯後KO兩碗...打破了飯後一碗的習慣... 一樣用行動証明味道好啦... FACEBOOK 專頁 : https://www.facebook.com/mrmoon.renelee 聯絡我 ~ bbg1668@yahoo.com.hk 月兒部落分社 : BEAUTY LIFE BECB THEXXXXX BLOGSPOT SHE UBEAUTY QOOZA QOOZA BEAUTY SINA ELLE MYAGE WESHARE FANPIECE SEEWIDE MYBB PIXNET STYLE INSTAGRAM ~ MRMOONMOON 純粹個人意見...請大家多多指教呢... 免責聲明 ~ 本文發表的每一字一語內容全屬個人意見同感受... 不代表品牌的言論同立場... 如需獲得更多資訊同協助...煩請直接聯絡品牌查詢或尋求相關專業意見... 如從而引起的任何損失或法律糾紛...本人概不負責...
