第三次呈分試完結...在我而言... 一切已成定局...可以鬆一大口氣... 第三次呈分試前...中學自行收生的兩間學校面試已經完了... 盡了自己的能力表現...收唔收一樣七月五先知... 只有好好收拾心情去應付第三次呈分試... 考完試...成績已經落實... 雖然未派卷...不過...我們選擇好好享受復活節... 分數就放一放假...抖一抖氣再去接受了... 考完個呈三...心態的的確確轉變左... 老實說...唔打算叩門...最後一次考試可以唔太緊... 不過...好頭好尾...我仍然希望 KEEP 得到好好睇睇... 我其實怕一個唔好彩...要拎住成績去叩門... 未知自行收唔收...個個要交統一派位申請表... 睇住自己三次呈分試的成績去排位... 派位講彩數...同埋...排位策略... BAND 1 學生真係要諗得清楚少少... TOP 學校一定多人爭...排位一排錯就真係要祈禱了... 運氣唔好隨時首三不入...碌左去唔知第幾志願... 學校會舉辦家長會同家長一齊去傾下選校策略... 甲部不受學校網限制乙部按學校網的學校的首一二選擇... 我們已經決定同自行收生的選擇一樣... 其餘的排位就同老師商量一下了... 始終...老師有經驗...可以俾到意見呢... 四月十五日講座一完...一家三口子諗清諗楚點排位... 其實...睇中學概覽...上學校網站...已經一次又一次... 可能我怕...選擇錯誤...一讀讀六年... 我想小女入到一間自己鍾意的學校... 睇一間諗一間...究竟適唔適合小女呢??? 一覽表揭完又揭...揭完又揭... 多唔多人選呢???學位夠唔夠分呢???有冇機會入到呢??? 四月十八日就交排位表... 四月十九日就同老師坐低傾一傾... 老師話乙三仍然排 BAND 1學校就未免博左少少... 改一間好少少的 BAND 2 頭學校會穩陣少少...唔好浪費左乙三... 入唔到 BAND 1 入 BAND 2 頭執番個桔囉... 我明白老師可能為補學校入首三志願的百分比...不過... 我覺得理由好充份...跟老師意思改了...即日交表了... 一切已成定局...只有等七月五日放榜... 一個唔好彩...派唔到一二志願... 我就會去叩門...試多一次... 乙一乙二是我們一家三口心儀的學校...有幸入到就心滿意足了... 諗乙三開始的學校排位的過程當中...我去左教育王國參考下其他人... 老實說...有人就講得好中肯好有道理... 不過...有人就會誤人子弟了... 全部排 BAND 1 學校...去到乙八以後先排 BAND 2 ... 好似就浪費左排位了...事實上... 熱門的 BAND 1 學校...去到乙二乙三機會已經 ALL FULL... 稍為中中間間的 BAND 1 學校...乙三乙四已經微乎其微... 何必要咁去呃自己...硬要填全部 BAND 1 學校呢??? 太進取就可能碌到好後了... 排位...自己應該 SET 好保險線...揾一間做底線... 唔好下下諗到咁好運...要諗多少少... 好運就入到...咁一個唔好彩呢??? 始終靠隨機...講運氣呢... 期望幸運之神睇住我呀... 歡迎各位父母交流意見... FACEBOOK 專頁 : https://www.facebook.com/mrmoon.renelee 歡迎聯絡我 ~ bbg1668@yahoo.com.hk 歡迎合作... 月兒部落分社 : BEAUTY LIFE BECB THEXXXXX BLOGSPOT SHE UBEAUTY QOOZA QOOZA BEAUTY BLOGDB SALADB SINA ELLE MYAGE WESHARE FANPIECE SEEWIDE MYBB PIXNET INSTAGRAM ~ MRMOONMOON 純粹個人意見...請大家多多指教呢... 免責聲明 ~ 本文發表的每一字一語內容全屬個人意見同感受... 不代表品牌的言論同立場... 如需獲得更多資訊同協助...煩請直接聯絡品牌查詢或尋求相關專業意見... 如從而引起的任何損失或法律糾紛...本人概不負責...
