◕‿◕ 生米炒成熟飯 @ 煙煙靭靭 ~ 生炒糯米飯 MR | 9th Jan 2014 | 月想入廚 | (18 Reads) 我覺得自己不是一個做大事的人... 點解??? 我會因為...一點小事... 經常心掛掛...瞓唔着呢... 生炒糯米飯...我一直想挑戰... 等下一年等下一年...始終鼓唔起勇氣... 二零一四年一到... 我的挑戰心來了...決定試做生炒糯米飯... 上網睇下人整生炒糯米飯... 可惜...好失望... 好多人係蒸熟左糯米飯再輕輕炒炒... 生炒喎...應該生米炒成熟飯喎... 幸好...我揾到肥媽生炒糯米飯的短片... 不過...肥媽用易潔鑊炒呢... 唔理啦...得就得...唔得就飯煲煮啦... 臘腸兩條...輕輕烚一烚... 會比較易切...臘腸切成粒粒... 瑤柱八粒浸發...撕開一條條... 小冬菇十零頂...浸發後切成粒粒... 蝦米一両...洗浸一下... 蝦米買嬌小的可以免卻切細的步驟... 浸瑤柱水同蝦米水留下備用... 糯米兩個小膠杯...足夠我們一家三口份量... 用水浸四小時左右... 葱粒一碗... 燒熱生鐵鑊...一定要夠熱...唔熱一定唔得... 落少少油...用鑊鏟幫鑊搽勻熱油... 爆一爆臘腸...臘腸會出油... 加入蝦米同瑤柱... 爆到香一香...可以加入冬菇粒... 炒多幾炒可以盛起一陣用... 鑊唔洗...加入糯米炒... 盡量攤平糯米...待糯米可以均勻受熱... 糯米差唔多乾水就加瑤柱蝦米水... 不停重覆炒同攤平的步驟... 糯米差唔多熟會黏... 炒的動作要稍為多...唔可以攤平太耐... 一唔炒會好容易一舊一舊... 加入材料繼續炒... 見到糯米熟就可以加入豉油... 糯米不斷兜...會慢慢上色... 兜好加入葱粒炒多兩炒... 可以上碟啦... 不過...食落... 我發覺差了一點花生呢... 糯米飯加上花生會好食一點... 第一次生炒糯米飯...想唔到可以咁成功... 獲得家人一致讚賞... 我自己好滿意...不過...糯米唔可以食太多... 小食多滋味好了... 一個生炒糯米飯可能在好多人眼中微不足道... 可是...在我師奶仔心眼中...大事一樁... 心裏想家人...食得開心一點...食得滋味一點.... 生炒糯米飯一日未上碗...心入面一直心掛掛...唔太安樂... 不過...生炒糯米飯上碗...我的心有如釋重負的感受呢... 大事...我承受不起... 唯有...待我的男人為我擔當... 聯絡我 ~ bbg1668@yahoo.com.hk 月兒部落分社 : BEAUTY LIFE BECB THEXXXXX BLOGSPOT F&B SHE UBEAUTY QOOZA QOOZA BEAUTY BLOGDB SALADB SINA ELLE MYAGE WESHARE FANPIECE SEEWIDE 純粹個人意見...請大家多多指教呢... 留言(0) | 引用(0) | 話題(自家製美食)
