上回叫大家去西九長廊探BB豬既同鄉，依家輪到BB豬自己去探親啦=(00)= 由於大鄉里出城唔多識路問人就話係港鐵柯士甸站落車一直跟路牌指示行就可以， 點知一直行一直行，行到發軟蹄,終於見到個入口，原來對正個港鐵九龍站！！！ 知道中伏後真係興過燒豬！ 一入到去就見到個黑蚊蚊既大蓮花，冇乜野特別，用豬蹄拍左佢兩下就唔理佢了～ 係出發之前已經收到風篤屎屎皮已收，當下黎到案發現場！慘不忍睹．．． 說好的屎屎呢．．．？ 名副其實既一ｐａｔ屎．．． 不能一睹屎屎既風彩，唯有寄情於豬仔里既同鄉巨形充氣鴻運BB豬啦！ 睇下幾多人黎探鴻運BB豬！ 快Ｄ去排隊入豬肚一探究竟啦！！ （豬肚入口已經放左一舊燒腩肉等住你啦！！） 係豬肚入邊放滿哂充氣燒腩肉～～任坐，任摸，任攬～～～～ 望上天花板就會見到燒豬唔係得層外皮架！佢係連肋骨位都整埋架！！ 探究完個豬肚就由個豬ＰＡＴ ＰＡＴ到走返出黎啦～～ 睇下條燒豬尾粗而短少精幹，大風時仲會隨風擺動係咪好過癮呢！ 好啦，同燒豬玩完就向Ｍ＋小丘出發！ 可惜錯過左個ENG TOUR。。。 哈。。。係Ｍ＋小丘門口有個板，上面都寫住屎屎收左皮。。。ＳＯＳＡＤ 入到Ｍ＋小丘入面好多人，大家都係到畫黑板，有見及此，BB豬都唔輸蝕～ 畫個自畫象！留名到此一遊 哎呀！！！大家有冇留意BB豬唔見左Ｄ乜？！ 展品分佈圖： 呢張有齊咁多件展品既公仔紙係BB豬厚住面皮問Ｄ工作人員拎架！ 因為佢地話Ｄ公仔紙係俾Ｄ人類小朋友 ！ ♥減少豬腩肉，從讚好開始。請LIKE豬仔里♥ Pig Pig Link 也可以宣傳你的粉絲專頁
