銅鑼灣一向食野貴，同埋多商業地段，係希雲街呢邊比較靜嘅地段有間用心經營嘅cafe~ 一間黃店叫Sleepless~ #Freezetyle HK$68限量發售，杯入面一粒大大粒Espresso Ice Ball，跟住跟一杯牛奶，越飲越濃呀! 咖啡豆濃得黎少少酸，但酸得黎係好飲嘅~同埋仲可以免費fill一次牛奶，一個價錢等於飲左2杯呀!! #Floral Matcha HK$58有好輕嘅Lavender味，仲加左tonic water，第一次試呢個配搭，味道係好濃嘅抹茶味，有氣水唔算好多，好鍾意抹茶嘅朋友可以一試~ #Burrata cheese tomato green sald HK$138芝士個味好牛奶味同都好滑~一啖沙律菜一啖芝士，爽呀! 蕃茄係大大粒蕃茄，唔算好甜又唔酸嘅! #Honey citron crispy wings HK$52炸左嘅雞翼再配上蜜糖柚子醬，係一定冇死嘅組合呀~雞翼仲係脆身，而入面又唔會太咸~ #Asari Clams linguine in sake sauce HK$128sake味香濃，再加埋蜆肉嘅香甜味，食完口內一陣回香~ 仲有好多粒蜆~肉質都新鮮~ 意粉硬度都適中~ #Red Shrimp Fettuccine alla Vodka HK$198Vodka帶出蝦香味，酒味就冇咩嘅，唔洗擔心vodka就好酒味咁~ 紅蝦都算大隻同新鮮~個汁就係好茄汁嘅味，但唔會太酸，都開胃嘅~ #Apple Tarte Tatin HK$88倒轉左嘅蘋果撻，撻皮唔會因為蘋果搞到林曬~撻皮係又香又脆，食落一點都不膩架~📍 Sleepless銅鑼灣希雲街22-24號地舖**********************************************免責聲明:以上內容屬個人意見及感受，並不代表該品牌之言論及立場。如需協助或希望獲得更多有關產品資訊, 請直接聯絡該品牌查詢。如從而引起任何損失或法律糾紛，本人概不負責。Contact Me: barbiewingyee@hotmail.comFacebook Page: http://www.facebook.com/barbiecwyInstagram: https://www.instagram.com/barbiecwy/歡迎找我合作試用、出席活動^^BlogSpot | SHE Blog | U BlogGirlab | WeShare | FanpieceBeautylife | Pixnet | Openrice
