前排出席shu uemura ge秋冬彩妝班，呢次真係又食又拎呀！免費學到野之外仲拎到shu uemura ge最新彩妝產品！ 首先去到被工作人員邀請做化妝model，所以之後大部份都係化妝師幫我化的。哈哈，雖然唔係第1次被人化，但今次對住咁多人同camera都有點緊張。不過化妝師真係化得好好，同埋另外又有一位老師慢慢每一個步驟都講得好詳細點化。 首先簡單講下果日大概化妝ge程序 1. ultime8琥珀活肌潔顏油 售價: HK$360/150ml HK$910/450ml 首先將適量潔顏油倒係化妝綿，再塗遍全面,再加少少清水作乳化，最後就可以洗乾淨啦。呢隻潔顏能力都幾好，好快就洗乾淨又唔笠，洗臉後肌膚係一點油膩ge感覺都冇，都依然保持清爽。最好係用完泥個落妝係唔需要再另外用洗面產品洗面架，岩晒我呢D懶人！ 2. 全新TSUYA 光感新肌精華水 HK$360/150ml 呢隻精華水分左三種不同質感 I 清爽型– 舒緩質感，適合油性肌膚 II 水潤型– 水漾保濕質感，適合中性至乾性肌膚 III 滋潤型– 盈潤質感，適合中性至乾性肌膚，能迅速滲透肌膚，提升之後的護膚效能 呢排轉季都有少少甩皮情況，所以用左2號，用完後即刻有水潤感覺而且都唔太笠，有時間可以係屋企倒多點係化妝綿敷下，應該上妝會更貼服。 3. TSUYA光感新肌精華 HK$580/30ml，HK$715/50ml，HK$940/75ml 好中意精華用滴管式設計，方便得黎又可以控制好份量。精華都幾清爽，質地唔算太厚身，都好易於吸收，而且有槐花成份，塗上後有淡淡花香味！ 4. TSUYA光感新肌眼部精華 HK$395/15ml 呢隻眼部精華可以改善眼周肌膚，平滑、光澤、柔軟、彈性、緊緻、黑眼圈及皺紋等問題。但本身都冇咩大眼袋同黑眼圈，不過用上後係有光澤同潤滑效果。 5. TSUYA光感新肌精華泡沫底霜SPF30 PA+++ (滋潤型) HK$370/50g 將適量泵到手上，再用海錦一點一點印上面，塗完後成塊面膚色均勻左，睇落較光澤同水潤，又可以遮到我面上ge微絲血管。泡沫底霜一定要配合海綿上，因為用海綿上會更均勻同細緻。 6. lightbulb白瓷光感粉底霜 SPF25 PA+++ HK$420/10g 好推介呢隻粉底霜，因為呢隻粉底霜真係十分之透薄！而且有16隻色，一定搵到隻岩自己ge！同埋佢配合左獨創lightbulb圓拱形化妝綿，中央位置較厚而邊緣位置較薄，上妝時可以調控至更平滑均勻的透薄底妝。另外就係持久不變色，上妝係膚色都唔會變得暗啞。呢個係做得好好，因我平時多都係用BB cream，上妝到放工後都難免會變得暗啞左，但呢隻我用左幾個鐘之後都依然KEEP得好光澤冇變色！仲要佢做到完全透薄而且遮霞都OK，佢ge透薄程度係薄過我平時用ge BB cream，之後幾日都用佢返工，同事都話好似冇化咁但又遮到面上ge瑕疵，真係very good！ 講返點用先，用佢ge化妝綿按適量粉底，真係唔洗太多，主要上係面部較突出位置。因化妝綿設計，上粉方面邊緣位置會較少粉，咁可避免重疊粉底，所以做到更薄妝效果。Ｔ位同鼻２旁可再按一按，令粉底更貼服。粉底上到面頰，唔洗上晒成面，即面最邊位置可以唔洗上晒，咁樣可以令面更瘦同透薄，仲可以慳d粉底添！ 7. 專業遮瑕筆 HK$200 呢款一枝筆有2種色，質地柔軟，我用左3YL light同medium。重點遮眼肚位置，再遮眼皮，一黎可以令眼妝更貼，亦可以令眼妝更出色。然後鼻翼兩側也要用上遮瑕，睇落鼻型會更靚同遮左D細紋。如果想唇型更突出，亦可用遮瑕筆畫於唇邊。呢款遮瑕筆我都覺得好好用，一黎佢1支有2隻色，同埋估唔到係用上係好soft好易推，亦都好方便去遮D細微位。 8. 底妝完成後上埋個碎粉定妝。眼妝方面用左秋冬色系紫色，用眼影掃上至雙眼皮位置，再用珠光白上於眉骨下面，可以令眼部輪廓更突出。眼線方面都係較普遍，用左黑色眼線筆畫左一條較自然ge眼線。由於我眉毛方面都比較濃密，所以都係輕輕修飾一下。最後眼妝方面夾好眼睫毛，然後輕輕上一層MASCARA。胭脂方面用左淡粉紅色，比較自然，而睇落又有白裡透紅ge感覺。 9. 唇部方面之前底裝已修畫好唇型，然上一層lip balm，滋潤雙唇及減淡細紋。然後用唇掃上唇膏，今次塗了一個比較利落ge單色唇，用唇掃上ge好處係線條比較靚同可以自己控制個顏色。今次用ge顏色號碼就唔係好記得，但就係一隻較鮮ge粉紅色，都好中意呢個唇，平時自己冇咩點化咁鮮色ge唇，但估唔到呢隻色又幾岩自己。 最後，自己化ge都係半邊面ge彩妝，應該冇同化妝師化得好多分別掛，哈哈。完成晒成個妝之後最滿意就係底妝同唇妝！等咁多位SIS完成後大家都一齊影左張大合照，亦得每人拎左份小禮物，好開心係拎到shu uemura ge新產品用，就係咁完左一次好玩ge化妝班啦。 去到已經放好左好多護膚同彩妝產品 各位sis都好專心聽 被邀做今次示範ge model (推介)今次主要用ge係最新出ge lightbulb白瓷光感粉底霜 SPF25 PA+++ 我膚色較白，用左784 fair beige 上妝所用ge化妝品，胭脂用左左邊粉色，唇膏亦較鮮粉色，眼影方面用左左邊紫色，右邊白色用左highlight 眉骨用 底妝後VS彩妝後相機前睇落較淡，真實個顏色會出D 最後拎埋小禮物走,好開心呀,Thanks Shu Uemura~
