因為最近番新工，所以十日冇出文 嗚 話說黎緊十月尾又出門啦，又係又係又係韓國 當然又係首爾（你唔悶架咩？有咩咁好玩呀？係咪onx架又去？晒錢啦你！） 以上既說話聽過太多次，目已盲 韓國，係由當時2004年無線播出既天國的階梯，大長今（個陣時睇只係中一） 而令依個國家開始好多人認識，引起大家的好奇心。 仲記得中四個年，有同學去韓國，個陣好羨慕，仲滑雪添 到而家我去左7次都係睇唔到一粒雪，喊 其實去兩次既錢已經夠去一次歐美，但每次都忍不住。 好似有股魔力引自己去，好多人都會問我 係咪去追星呀係咪成日睇劇呀係咪好鐘意KPOP 其實除左兩三個oppa BIGBANG之外，我係好少追韓星 所以咁鐘意去韓國其實唔關kpop事，係一個感覺。 黎緊既韓國之旅將會去多過一個未去過既景點，其中一個係songdo 松島 依個地方係一個人工島，韓國政府將視為尖端未來城市。 講咁多其實係想去捕獲野生三兄弟，大韓 民國 萬歲 000 係咪好可愛呢 氾濫mode 雖然預左唔會咁好運 但當係一個新景點，空氣好，乾淨，又可以望下湖 可以當作往市區前既一個放鬆時間。大家都知啦， 一出到市區個腦就會不斷諗住買買買買買食食食食食行行行行行 係松島坐陣cafe扮下文青都好 8-) BTW, 最新既新工作，都係做番老本行 比想像中順利，同事環境性則都唔錯，希望可以繼續keep住， 一日比一日好！ :-P
