好多時化好個靚妝, 諗住可以扮到令令咁出街, 點知幾個鐘頭之後, D眼影眼線開始溶溶地, 搞到個妝污糟晒, 咁點搞好呀???? 今日包子就要同大家介紹兩隻eyeshadow base, 可以令到個眼妝更持久 左: Girlactik Beauty #Pearl base 右: NYX eyeshadow Base #Skin tone Girlactik Beauty 來自美國, 香港暫時仲未有專櫃, 只可以透過上網買. 呢個牌子既眼影霜好出名, 而且有好多唔同既顏色, 好岩油眼人士使用. 而包子呢盒係Pearl base, 佢個質地好幼滑, 上左之後再上眼影, 可營造珠光效果. NYX 同樣係美國既開架化妝品牌, 亦都係香港暫時未有得賣. 呢盒係之前Cherry Culture減價時訂既, 就算未折都係賣US$7, 都相當抵玩! 其實佢有三隻色選擇, Skin Tone, Pearl, White 包子選擇既係Skin tone, 可以令到個眼影顏色更sharp, 好岩用係matt tone眼影上! 左: Girlactik Beauty Pearl base 右: NYX Skin tone 左: Girlactik Beauty Pearl base 中: NYX Skin tone 右: 冇搽eyeshadow base 可見冇上eyeshadow base既眼影顏色較虛, 左邊既眼影有珠光效果, 可令妝容更特出. 而中間既眼影顏色較出, 若果用係鮮艷既眼影上, 可令眼妝更sharp ~今日的分享到此為止, 多謝各位收看~ Email: jhgtg14@hotmail.com Y! blog: http://blog.yahoo.com/baotze theZtyle: http://baotze.theztyle.com BE Blogazine: http://blogazine.beautyexchange.com.hk/?133330 she.com: http://blog.she.com/baotze Blogger: http://baotze.blogspot.com/ MySinaBlog: http://jhgtg14.mysinablog.com/ UBeauty: https://blog.ulifestyle.com.hk/blogger/baotze/
