減肥系女性終身事業,要培養出易瘦體質先是王道。 為了逆齡生長,將來成為凍齡美魔女,我已經開始為自己鋪路。當然無發生大衝擊,我都唔會無端端下定決心。工作久坐,少運動(其實系零運動T.T),“車胎肚”、“豪華臀”、“拜拜肉”全部都同我做曬朋友。呢班絕對系損友,一個個要踢走曬。 體態要改變,都需要過程,絕對唔系今日喊幾次口號,聽日就即刻有效果。首先要J一J我老公,令我動力大增。“運動要有效率,咁辛苦做運動唔系只為出汗”,呢句說話系當時我老公push我做多幾個lounges講既,我聽左之後覺得既然都下決心做運動,反正都係辛苦為何唔用最有效率既途徑,達到最好的效果。 易瘦體質養成,離不開“動吃動吃”,缺一不可。網上流行很多減肥餐單,如果你真係照搬就錯曬啦。首先你要知道自己現在身體狀況,如果你身體好似我甘,需要低蛋白飲食,網上的高蛋白低碳水化合物減肥方法就會害死你,減肥不成命都無埋。 減肥第一步,建立正常觀念,切勿激進 少食多餐(全日分5餐進食),每餐隔約3小時,飲8杯約1500-2000cc水。據我為例全日約1500卡路里 早餐8am 一飯碗大小的肉片米粉 幾條菜心 早點 11am 一杯脫脂奶 一個拳頭大的蘋果 一杯玉米粒 午餐 2pm 一平碗飯 兩湯匙蒸魚肉 一碗蔬菜(烹調魚和菜油脂共只可以放兩茶匙) 下午茶5pm 瑪麗餅8塊 半個火龍果 晚餐7.30pm 半碗飯 兩碗水煮菜 三根手指分量的雞肉或者瘦肉 (晚上做一個小時運動,首先進行半小時力量訓練,後半小時有氧) 這是我的餐單,不會餓而且營養足夠。由於工作原因可以經常在家中準備食物,對於外食既上班族,就可以相應調整一下食物配搭。例如外出早餐可以選擇芝士雞蛋三明治,午餐選擇牛肉米,蔬菜要清炒。 點擊圖片放大 甘樣既飲食和運動配搭,都係營養師給我的建議。實行左一個半月後,明顯身形細半個到一個碼。就係因為小小成功,得意洋洋既我就給自己藉口開始慢慢脫離計劃。最後失敗告終!營養師苦口婆心教育我,減肥第一個月系減水分,第二月開始就系減脂,最起碼堅持三個月先可以算成功。其實我後來翻閱資料,知道人體的細胞週期系90天左右,如果你在90天內堅持到,新的身體的記憶就會形成,減肥就算成功了。 因為之前花左錢睇營養師,知道減肥靠的是飲食比例調整和運動增肌,真係終身受用,決定開這個blog分享給大家。