首爾除左燒肉仲有咩野食好推介 咁就梗係炸豬排啦~真係任何一間炸豬排都係咁好食 今次我就去左弘大既이끼롤까스 因為之前我係d韓國人IG度見到好多人去食~ 而且賣相都好吸引~咁就去試一試 話就話係弘大店~但其實係上水站1號出口出就最近 個日我就lunch time去~menu有韓文/英文 仲有埋相比你睇^^真係好貼心*唔洗驚睇唔明 咁我同朋友就點左佢地最出名既2個代表作~ 《蕃薯芝士炸豬排+芝士炸雞卷》 不過其實我就唔食蕃薯嫁...但難得黎到點都試試 點完餐之後店員會先為你送上面豉湯飲住先 因為佢係即炸既關係~大概都等左10~15分鐘左右我地先有得食 嘩!我個蕃薯芝士炸豬排一送上黎梗係要拍照留念先啦咁靚 跟住我就唔客氣啦 佢個醬汁好好味~蕃薯好甜~2樣MIX埋真係超夾!! 而佢個豬排亦都CUT得好細舊~方便可以一口食一舊~讚呀!! 佢地啲芝士好香好滑~絕對唔似香港個啲咁凍左會變一舊舊 不過份量對我黎講都係有啲多TT食淨左少少 咁我地點呢2個炸豬炸雞真係一句講晒:"好好味呀!!!!!" 連朋友都話好難係香港食到咁高質 就算食到~無百零二百蚊都食唔到一個餐 我呢餐豬排(9500 won~Lunch價)再叫埋野飲(2000 won)都只係$74港紙~真係好抵食嫁 以下Naver呢個網址有晒弘大店地圖/價錢睇~不過係韓文哦 佢地係新沙洞都有分店嫁 https://m.search.naver.com/search.naver?query=%ED%99%8D%EB%8C%80+%EC%9D%B4%EB%81%BC%EB%A1%A4%EA%B9%8C%EC%8A%A4&where=m&sm=mob_sug.idx&acq=%EC%9D%B4%EB%81%BC%EB%A1%A4%EA%B9%8C%EC%8A%A4&acr=2&qdt=0 大家可以上我FB專頁睇番我啲舊既韓遊記嫁 Ball姐 Let`s Go To 서울☆https://m.facebook.com/ball0221
