大家而家去旅行,最緊要梗係要部電話上到網~咁就世界通行旅遊書都唔洗拎 所以去旅行之前我都會參考下人地介紹邊d數據卡好用 但耐何就無咩朋友仔特別介紹過 TT 所以我今日就同大家介紹下我係首爾用過既數據卡比大家參考下啦 1.中國聯通China Unicom 係上年第一次去首爾既時候我就係用中國聯通啦 不過當時佢地只有3G版~就未有呢張4G版既 而當時既3G版我都覺得唔錯 普通upload相呀睇下google map上下youtube睇片都絕對無問題 速度唔慢之餘偏遠既地方都收得都~ 所以今次我就買左呢張4G版黎準備聖誕節去首爾用啦~到時再話比大家知究竟好唔好用!! 不過呢張卡就需要最遲係出發前3日上網登記左先~ 落地就可以即用(詳情可以上中國聯通官網睇) 7日3GB(4G 支援4GLTE)無限速/韓國網絡商:SKT 面價$158 而我就係11月個時上佢地官網買左2張~網上價$110/1張包埋順豐!!讚呀!!! (而家好似加左價$128) 2.HAPPY TELECOM 呢張係我之前最鍾意用既一張數據卡 因為唔洗事先登記~落地就即刻用得唔洗煩 上網速度同中國聯通既3G版一樣咁GOOD! 韓國網絡商:SKT 而且之前係759買都好平$150左右 但!!!!!!我係10月出發前諗住去電話鋪買番黎用之際........ 個老闆同我講話而家呢張行左限速,有幾個客仔用客番黎一肚氣 咁我就完完全全咁將佢放棄左啦....... 咁我就買左另一張....而個張我而家就會介紹 ----------------------------------------------------------------------------- 3.環球MORE MOBILE 冇錯啦呢張就係我係10月個時買唔到HAPPY TELECOM後既代替品 電話鋪老闆介紹~買之前佢仲拆開比我睇d條款,望清楚冇限速先買 唔洗事先登記,落地就即刻用 韓國網絡商:SKT 開頭都好滿意......但係去到第3晚........佢冇啦啦好似行56k咁 開頭我以為係韓國網絡商可能有d問題/可能暫時收得唔好 點知.....之後個幾日都keep住56k咁......慢.....慢......慢.......連google map都差d load唔到 我真係嬲到爆炸!!!!!! ------------------------------------------------------------------------------------------- 4.OLLEH KT 最近係KK DAY賣得好HIT既數據卡 10日4G無限用/$173 韓國網絡商:KT 咁其實我之前都有朋友試過落地即刻去仁川機場個counter join左佢地既plan 有人幫你整好晒CONFIRM上到網就碌卡走人 行4g+無限速~咁速度方面盲一定比我既3G卡快啦 不過最麻煩既係要還卡.... 但而家KK DAY賣緊呢個呢 都係要係仁川機埸既OLLEH KT COUNTER拎卡 都係有人幫你SET好晒唔洗自己煩~仲唔洗還卡 不過大家都應該會奇怪點解今次12月呢轉我唔揀呢張黎用 因為睇KK DAY既介紹呢,我部電話之前已經用過其他韓國既網絡商 所以操作上就會麻煩D同埋要SET過D野~ 由於我唔想煩+同埋我唔想晒時間係機埸等既關係^^我就唔揀佢啦 --------------------------------------------------------------------------------- 咁其實總括黎講,其實3G既卡係韓國上網既速度已經好好 咁當然4G就梗係會再好D啦~ 有D朋友仔就可能會話"用WIFI蛋咪唔洗煩囉!!" 咁有時真係朋友唔覺意走失左/想分開行街街咪唔得囉~ 大家可以上我FB專頁睇番我啲舊既韓遊記嫁 Ball姐 Let`s Go To 서울☆https://m.facebook.com/ball0221 今日講住咁多先~Bye Bye^^
