大家睇左《藍色大海的傳說》未呢~全智賢真係好正!!! 我睇第1集個時見到李敏鎬佢地3個好型咁係Tri-Bowl行出黎 雖然只係得個幾秒鐘既鏡頭~但原來夜晚既松島中央公園真係靚好多 大家如果想去既話可以睇以下我呢個係FB專頁出過既舊post嫁啦 【一個人遊首爾~不用怕!特集】景點編 今日帶大家去遠離首爾中心既地方 位於中央公園站既松島公園 好推薦比鍾意捨意郊遊同影相既朋友仔去 我當日12點左右係東大門出發~地鐵搭左差不多2個鐘左右先到 係中央公園站4號出口一出望向左手邊--->已經會見到好宏偉既Tri-Bowl 向住Tri Bowl個邊行過埋條靚靚橋 ,大大個松島公園就係你面前嫁啦 有條河係中間~我就沿住側邊既步行徑行 除左風景之外~ 入面仲有鹿仔啦~兔仔(有咩動物要視付天氣+季節開放) 不過兔仔佢地係自己係河中間既小島度.......要踩船仔去先可以近距離欣賞 行到中途亦即係公園既盡頭會有Cafe呀小食店,可以坐低休息下欣賞下風景 唔想抖既呢度亦都有獨木舟+船仔出租 我個日見幾個外國人都有租黎玩~超正 TT 可惜我得自己1個人 另外仲有1小區既韓屋村,入面有cafe同食肆嫁 由於我去個日天氣麻麻~仲落埋雨 所以行下hea下避下雨影下相我逗留左個2鐘就走lu 感想:係周圍都高樓大下既中間有個咁舒服既公園真係好神奇 建議大家可以去埋仁川站既中華街同童話街當1日行程 ~可以慳番啲搭車時間 中華街同童話街係之前已經介紹過~可以睇番FB專頁舊post 地址:地鐵仁川1號線中央公園站4號出口就係啦 大家留意: 地鐵係由深藍色1號線富平站 再轉 淺藍色仁川1號線 而搭深藍色1號線係2頭蛇站(即係有2個唔同方向既終點站) 而經富平站既終點站係仁川站 大家上車前就要望下班地鐵係咪寫住“인천행(仁川行)”落足眼力望清楚 如果真係搭錯左“광명행(光明行)“點算呀 !!???唔洗驚既^^落車搭下班車啦~多數都梅花間竹咁黎 大家可以上我FB專頁睇番我啲舊既韓遊記嫁 Ball姐 Let`s Go To 서울☆https://m.facebook.com/ball0221
